2 Kronikas 2:3 - DAWAN BÎLA AISKA

³ Baha ningkara Salaman bui Hiram Tiro kingka ra ai bîla blikan wiaia: “Yang aisiki Debit wal aisi lâ daukram ba baku yang ra dauks. Man yalam dusa nani klaki witin ra blikram, king watla mâki bahara iwaia.

2 Kronikas 2:3 ပူးပေါင်းရင်းမြစ်များ

2 Samuil 5:11

Baha mita Hiram Tiro kingka ba, ai lengstarka ba Debit ra blikan, baha purkara utla mâmakra bara walpa tara klaklakra nani sin blikan, witin nani yalam dusa nani brih wan, bara King Debit iwaika watla ba mâkan.

1 Kronikas 14:1

Tiro kingka Hiram, ai tasbaya tâwan aisasara nani ba Debit ra blikan. Baha purkara walpa ni utla papaskra nani ba bara tat ni paski nani blikan, yalam sin king watla ba paskaia dukiara.

2 Kronikas 13:11

Witin nani ba titan bara tutni ra sin Gâd ra sakripais yabisa, bara sîka mâka kîa painkira nani sin tibil kum ra suni mayunanka tara daukisa, kasak lâka ra brit holikira ba wal; bara sin tutni bani, lamp nani ba angkisa gul kiandilka dusa nani ra, kan yang nani Dawan Gâd lâka nani ba alki daukisna, sakuna man nani lika witin wina laihura takram sa.

2 Kronikas 24:14

Bara sut paski daukan bara king ra brih wata bara Joiadá ra sin lalahka kau takaskan ba, bara witin nani win lalahka kau tawan ba ni tempel ra diara yus munaia dukia nani ba paskaia, daiwra aiska angkaika Dawan ra tingki wi mayunaia dukiara, ispan tara nani gul ni paskan bara silbar ni sin. Joiadá raya kan piua sut ra, tempel ra tingki wi mayunaia daiwra aiska angki mayuni kan.

2 Kronikas 4:19

Salaman sin adar yan Gâd tempelka dukia wala nani sin paskaia: gul ni altar ba paskaia, Dawan ra yaia britka nani kahbi kaia tibilka nani ba sin,

2 Kronikas 8:13

Diara nani sut ai piua kat daukaia dukiara, Moses lâ mangki yan ba baku, ris yua nani ra, kati raya yua nani ra, yua tara mani bani aima yumhpa dauki kan ba, baha sika, brit îs âpu daukaia yua, Utla Papakni nani yua sin daukaia.

Esdras 6:3

“King Ciro, witin king aimakan pas manka bilara, naha adarka nani yan ulban: ‘Gâd tempelka Jerusalem ra ba dukiara lika: Utla tara playka nani ba bapi, bara kli mahka mâkbia, bahara sakripais dauki kaia dukiara; tempelka ba naku yahpika bri kabia: 90 pît purara, bîla yahpika sin 90 pît;

Nihimaya 10:34

Baha purkara, prîs nani, Libait nani, upla wala nani yang nani taiya nani kulkanka ba kat, lat lulki kaiki banhwamna, lâ ra ulban ba kat daukaia, baku kaikaia ya kiamka nani ba pauta bri bal kaia mani bani Gâd tempelka ra, Dawan wan Gâdka altarka ra angkaia.

Impakan Sturka 25:30

Baha britka yang ra aikisma ba, piu bani baha tibil purara kahbi bas, yang kaikaia.

Impakan Sturka 29:38

“Yu bani altar ra sîp wâl angki kaia sma, mani kumi alkan sîpka ba.

Impakan Sturka 29:39

Sîpka kumi ba titan ra angkma, sîpka wala ba lika tutni ra angkma.

Impakan Sturka 29:41

Bara tutni ra angkaia sîpka ba sin baku daukma, dîa titan ra daukram ba baku daukma, baha sika Dawan ra kîa yamni angki yabaia prisantka nani ba.

Impakan Sturka 30:7

Titan bani, Eran lamp nani ba klin dauki ba ra, witin dus mâka kîa yamni ba bahara angki kabia, baha diara angkaia watla ba purara.

Libait Lâka 23:2

“Israel luhpia nani ra naku wis: Naha yua nani piua mangki maikuna na, Dawan ra baman mayunaia yua sa, man nani baha yua nani ba holikira kulki kama.

Libait Lâka 9:17

Baha ningkara dus mâ nani prisantka yan ba bri balan, baha wina ai mihta banhki brih angkan altar purara, bara titan bani angki sakripaiska ba sin angkan.

Kulki Kaikanka 28:11

“Kati bani, baha yua pas ba daiwan aiska angki Dawan ra yabi kaia, baha lika bîp lupia wâl, sîp wainhka kumi, baha sîp lupia ba mani kumi alkan kaia, taya sauhkan âpu ba.

Kulki Kaikanka 28:9

“Ris yua nani ra man nani sîp wainhka wâl, mani kum bri ba, watawan âpu ba yabaia sma, bara plawar kau pain ba 9 paun prais, batana laya ra akbi, barli mâ sâtka nani prisantka daukbia, bara wain laya sin bri balbia.