2 Kronikas 2:16 - DAWAN BÎLA AISKA

¹⁶ Bara yang nani Líbano ra dus nani want sma ba klakamni, bara rap dauki kabu bâk bri balamni Jope kat. Ningkara man bui baha wina Jerusalem kat brih wama.”

2 Kronikas 2:16 ပူးပေါင်းရင်းမြစ်များ

1 Kronikas 22:2

Baha ningkara, Debit upla blikan maisa pakaia, Israel tasbaya ra tringsar nani iwi ba sut asla daukbia, witin nani ai tila wina wahbi sakan, walpa klaki wark dauki nani ba, Dawan tempelka mâkaia ba dukiara.

2 Kronikas 30:25

Juda uplika nani sut lilia takan, baku sin prîs nani ba bara Libait nani sin, upla wala nani Israel wina balan ba sin, bara tringsar Israel wina Juda lamara iwi kan nani ba sin sut.

2 Kronikas 8:7

bara upla nani sut naha tawanka ra kau takaskan nani ba, hitita nani, amorreo nani, heveo nani, ferezeo nani bara Jebús uplika nani ba, witin nani Israel luhpia nani apia kan ba,

2 Kronikas 8:8

sakuna baha tasbaya ra takaskan nani ba, ningkara witin nani ra Israel luhpia nani bui kumi sin sauhki tikras kan. Sakuna Salaman baha nani ra wark karna yan takan, naiwa yua ba kat.

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Apastil Nani Sturka 10:32

Bamna Jope tawanka ra upla blîks, Saiman nina wala Pita mâki ba bri balaia. Witin ba takaskisa Saiman wala daiwan taya saika dadingkra ba watla ra, baha watla ba kabu un ra sa.’

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Apastil Nani Sturka 9:38

Jope lika Lida tawanka wal baila kan, bara lalukra nani Jope ra iwi kan ba walan, Pita lika Lida ra sa. Bamna waitna wâl saki blikan, naku maisa pakaia: “Pliskam takaskras, Jope ra bal.”

Apastil Nani Sturka 9:42

Naha sturka na Jope tawanka aiska ra wali banhwan, upla ailal sin Dawan ra kasak lukan.

Apastil Nani Sturka 9:43

Bara Pita lika yu ailal baha tawanka ra takaskan, daiwan taya lâkaia saika dadingkra kum nina Saiman wi ba watla ra.

Jasua 19:46

Mejarcón bara Racón, Jope mawanra tasba bâra ba wal.

Jasua 9:27

ban sakuna, lâ daukan witin nani Israel luhpia nani ba, Dawan altarka nani ba ra bri si swibia bahara pauta baiki lî panhki yabi kaia. Bahamna Gabaón uplika nani ba naiwa kat ban, baha warkka upla dukia dauki kaia warkka ba daukisa.