2 Kronikas 19:7 - DAWAN BÎLA AISKA

⁷ Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

2 Kronikas 19:7 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Job 13:10

Ban kra witin yukuwi dauki natka ra ai tânka pura prakbia kaka, sakuna Gâd mita karna pali lawi daukbia.

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Job 8:3

Gâd karnika sut bri ba, aima kumi sin kasakka lâka ba bara wapni lâka ba wal warbi laki aisaras.

Lawana Nani 82:2

“¿Ahkia kat man nani kunin lâka ba dauki kama, bara upla watawikira nani hilpka wisi daukisma ba takaskaia?

Impakan Sturka 23:8

“Upla kum taiban lâka ra ai lâka ba wapni dauki yama wisi lalah maikbia kaka, alkpara; kan baku lalahka alki uplika ba, nakras takisa bara upla pâtkas ba ban yan pâtkira daukisa bamna.

Aiseya 33:15

Witinka kasakka lâka kat wapni ba, wapni lâka kat sturi aisi ba, witinka lâ krikanka wina diara nani pura praki briaia misbara kaiki ba, witinka taiban lâka wina diara briras, bara prisant nani ni sin atkras ba, ya baha bîla walras upla ikaia ba dukiara, bara ai nakra prakisa saura ba kaikaia apia mata,

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Roman 2:11

Kan Gâd ba upla mawanka kulkaia lâka âpu sa, sut ba sim sât kulkisa;

Roman 9:14

Baku bamna, ¿yawan dîa wibia? ¿Gâd ba kasak apia sa ki? ¡Sip apia pali!

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Kolosi 3:25

Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

1 Samuil 11:7

Witin bîp wainhka wâl brin bara wîna ba sirpi ra taman, bara bîla twatwilkra nani wal Israel aiska ra wîna ba blikan. Bara bîla blikan tânka ba naha kata: “Ya ya kabia, Saúl bara Samuil aikuki war aiklabaia waras kabia kaka, ai bîpka wainhka nani ba naku irban kabia.” Dawan sibrinka ba upla nani ra diman, witin nani waitna kumi baku taki wan, king aikuki asla takaia.