2 Kronikas 19:6 - DAWAN BÎLA AISKA

⁶ Bara witin bui wihta nani ba ra win: “Aman kaiki bas man nani dîa daukisma ba, kan lâ daukaia ba upla nina ra apia, sakuna Dawan nina ra kaia sa, witin lika man nani wal sa upla lâka daukisma piua ra.

2 Kronikas 19:6 ပူးပေါင်းရင်းမြစ်များ

1 Kronikas 28:10

Bamna, kaiks nanara, Dawan bui bâk mai sakan Dawan wal aisaia watla kum paskaia, ¡bamna dutki bûi mahka dauks!”

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Apastil Nani Sturka 22:26

Kiaptin ba naha walan ba ra, kamandanti ra wih win: —¿Dîa daukaisma ba man damra walisma ki? Aman kaiks, naha waitnika na lika Rom suliarka waitnika kum sa bamna.

Apastil Nani Sturka 5:35

Ningkara, baha aidrubanka wihtka nani ra win: —Israel luhpika nani, aman kaiks dîa daukaisma ba naha waitnika nani wal.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Jasua 22:5

Diara kumi baman mamkabisna ba lika, Dawan napakanka Moses ai lâka bîla nani ba kasak daukma, ai lâka ba sin. Wibia kaka, Dawan ra bara man nani Gâdkam ra piua bani ai yabalka ra wapi kaia, ai lâka bîla nani wali daukma, bara ai nina bliki ai dukia daukma kupiam aiska kira bara sulkam aiska kira sin.”