2 Kronikas 19:2 - DAWAN BÎLA AISKA

² Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 19:2 ပူးပေါင်းရင်းမြစ်များ

1 King Nani 16:1

Bara Dawan ba Jehú Hananí luhpia ra aisin, Basá mapara aisaia dukiara:

1 King Nani 16:12

Baku bamna, Zimrí bui Baasá watla aiska âpu daukan, Dawan ai bîla dîa Baasá dukiara ai prapitka Jehú bâk aisin ba kat yan aimakan.

1 King Nani 16:7

Prapit Hananí luhpia bâk, Dawan ba Baasá mapara bara ai taya nani mapara sin aisin; kan Baasá daukanka ba Dawan nakra ra saura kan. Dawan kupia sauhkan, witin ai daukanka ba, sim Jeroboam ai uplika nani aikuki dauki kata baku daukan, baha nani ra sauhki tikata ba.

1 King Nani 21:25

Ahab baku upla wala âpu kata, Dawan nakra nani ra saura dauki kan ba, kan ai maya Jezabel bui maisa kapi kan baha saurka nani daukaia ba.

1 King Nani 22:44

Bara Josafat lika Israel kingka wal kupia kumi daukan.

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

2 Kronikas 18:1

Josafat ai yuyaka ailal pali bara pain kulkan lâka sin tara brin, bara Ahab wal sin ai dapna takan.

2 Kronikas 18:28

Baku bamna, Israel bara Juda kingka wihki Josafat kira, Ramot Galaad tasbaya mapara wan.

2 Kronikas 18:3

Bara rait pali, Ahab, Israel kingka ba, Josafat, Juda kingka ra makabi walan: —¿Brinkam sa ki yang wal waia Ramot Galaad tasbaya mapara aiklabaia? Josafat pana win: —Yang, bara suldiarki nani sut kira wamna, bara man uplikam nani aikuki sin.

2 Kronikas 18:7

Bara Israel kingka ba mita pana Josafat ra win: —Waitna kumi nâra sa, yawan sip sa witin bâk Dawan ra aisaia. Witin sika Micaías, Imlá luhpia ba. Sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

2 Kronikas 19:1

Josafat Juda kingka ba pruras ai rayaka yamni wal balan Jerusalem ra king watla ra.

2 Kronikas 19:10

Ani piua uplikam nani unsabi kaka, tawan bani luhpia nani, bara man nani mamwanra kahban kabia, man nani laki kaikaia upla pruan lâka apia sapa, bara lâ sâtka nani kahbaia, lâ ulbi tawan dukiara sa kaka, nahki alki daukaia lâka bara daukan kabia, maisa paks lâ wina tnaya ra tawi Dawan mapara buaia apia, baku witin kupia baiwbia apia man nani wal bara witin nani wal sin apia.

2 Kronikas 20:34

Witin ai sturka nani wala, tâ krikan wina prakan kat ba, Jehú ai ulbanka ra sa, Hananí luhpia, bara Israel kingka nani ulbi sakanka tilara sa.

2 Kronikas 24:18

bara witin nani Dawan tempelka ba mahka swin, ai damika nani Gâdka kata ba, bara Aserá gâdka lilka nani ra mayunan, aidul wala nani ra sin. Naha saurka tâwan, Dawan ai kupia sauhkan Juda bara Jerusalem ra sin.

2 Kronikas 26:18

bara king mapara bûi naku wi banhwan: “King Ozías, Dawan ra sîka mâka kîa pain ni sakripais daukaia ba, man mihtam ra apia sa; baha ba prîs nani Eran kiamka nani ba mihta ra sa. Man taki was naha Dawan wal aisaia watla wina, kan man Dawan mapara saura daukram, ba mita Dawan kulkanka maikbia apia.”

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Lawana Nani 21:8

Man karnikam ba, waihlam nani sut pliki alkbia; mihtam aihkika ba, baha nani misbara mai kaiki ba pliki alkbia;

Lawana Nani 68:1

Gâd wark daukaia buya ba ra, ai waihla nani ba yakabrira takisa; witin ra misbara kaiki nani ba, ai mawan wina sut plapisa.

Lawana Nani 71:15

yu aiska aisi kamna yang uni nani wal, man sika swaki wan sakram, bara kasakka lâka ba kat daukram yawan wal. Âu, ¡ban baha tânka sut yang briras sna sakuna!

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Emus 7:14

Sakuna Emus pana Amasías ra naku win: —Yang sika prapit apia, bara sin lukras sna baku kaia. Yang lika sepad, daiwan nani aihwaki kakaira sna, kwah dusa unta ra pâwi nani ba mâ nani wahbi taukisna ba wina rayaki brisna.

Jan 15:18

“Tasba uplika nani mita man nani ra misbara mai kaikisa kaka, kupiam krauki bas yang ra sika pas misbara ai kaikan ba.

Jan 15:23

Bamna ani uplika yang ra misbara ai kaiki ba, Aisiki ra sin misbara kaikisa.

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Roman 1:30

Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Kli Smalkanka 33:11

Dawan ai warkka ai karnika ra yamni muns, bara warkka ba, pain kaiki brima. Waihlam nani nina baikanka ba kalks, man misbara kaiki nani kli tawi balbia apia.”

Kli Smalkanka 5:9

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni. Baha nani misbara ai kaiki banhwi nani ba luhpia nani ra, mulika nani, snawika nani kat sin klala yabisna bamna,

Kli Smalkanka 7:10

sakuna witin ra misbara kaiki nani ra sauhki tikisa, pitka kat mana aitani yabisa. ¡Takaskras pitka kat yabisa witin ra misbara kaiki nani ra!

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Samuil 9:9

(Blasi pali piua lika, Israel luhpia nani kum Gâd wina diara tânka kum walan dauki kan ba ra, witin nani aisin: “Kaisa yawan diara kakaira ra waia”; baha sika nanara “Gâd prapitka wi ba”, bara witin ba sika blasi “diara kakaira” mâki kan ba.)