2 Kronikas 19:11 - DAWAN BÎLA AISKA

¹¹ Prîs tara Amarías ba man nani wihtkam kabia, Dawan ra mayunaia warkka sut daukbia, bara Zebadías Ismael luhpia ba, Juda tawanka lalka kabia, tawan lâka nani ba dauki kaia dukiara. Bamna Libait nani ba lika man nani tâm baiki kabia wark dauki kaia. ¡Bara ya yamni dauki ba Dawan baha wal kabia!”

2 Kronikas 19:11 ပူးပေါင်းရင်းမြစ်များ

1 Kronikas 22:11

Bamna nanara, luhpi, Dawan ba man wal kabia bara tâm baikbia Dawan Gâdki tempelka kumi mâkaia, witin aisin ba kat man bui daukma.

1 Kronikas 22:19

Bamna nanara, Dawan wan Gâd ba wal prawaia wilin pali taki banhs. Baku bamna, watla ba paski banhs bahara lâ nani ba swiaia, Dawan lâka auhbaia watla daukan ba bakska ba, bara dîa dîa dukia wala nani sunu kulkan ba, Dawan watla raya paskaia wisna ba ra bri si swibia.”

1 Kronikas 26:30

Hebrón uplika nani tila wina, Hasabías ai muihni nani aikuki, baha nani waitna wina karna nani kan asla 1,700 banhwi kan, witin nani Israel pura kaiki kan Dawan warkka nani sut ra, baku sin king dukia nani ba aihwaki kan.

1 Kronikas 26:32

Ai muihni nani aikuki, waitna nani kulkanka tara bri kan ba, asla lika 2,700 utla lalka nani bâra kata. King Debit bui sakan Ruben, Gad bara Manasés kiamka nani bakriki ba tâura aimakbia dukiara, Dawan warkka daukaia ra, baku sin king warkka nani daukaia.

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

1 Kronikas 6:11

Azarías ba Amarías aisika kata, Amarías ba Ahitub aisika kata,

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 15:7

Sakuna man nani kupiam karna bris, bara sari taki banhpara, kan man nani warkkam ba mana yamni brima.”

2 Kronikas 19:6

Bara witin bui wihta nani ba ra win: “Aman kaiki bas man nani dîa daukisma ba, kan lâ daukaia ba upla nina ra apia, sakuna Dawan nina ra kaia sa, witin lika man nani wal sa upla lâka daukisma piua ra.

2 Kronikas 19:8

Josafat sin Jerusalem ra Libait nani, prîs nani kum kum bara Israel ra utla lalka nani sin mangkan prîs nani kaia witin nani ai taya tilara, bara Jerusalem ra upla nani iwi ba unsabia kaka pura kaiki kaia dukiara.

Esdras 7:5

Abisúa, Finees, Eleazar bara Eran, prîs pas pali takan ba.

Lawana Nani 112:5

Upla diara yamni dauki ba ai kupia kumi lin munisa, ai bisniska ba pain impakisa,

Lawana Nani 37:23

Upla wapanka nani ba Dawan mita tâ brisa; witin aitani kaiki ba yabalka bîla ra mangkisa.

Sins Lâka 2:20

Yabal pain bâk tauki bas, bara kasakkira nani daukanka ba alki dauki bas.

Smasmalkra 2:26

Baku bamna Gâd sins lâka yabisa, diara tânka briaia lâka; bara ai liliaka sin, yaura witin yamni luki uplika ra; sakuna saura dadaukra ra yabisa wahbi kukaia, ningkara ani uplika Dawan yamni kaiki ra yabisa; baku sin baha ba bahki baman sa, pâsa ra alkaia baku pitka.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Luk 23:50

Waitna kasak pain kulkan waitnika kum bâra kan, ai nina ba Josep, witinka ba Judia tawanka kum nina Arimatea wi ba wina kata. Witin na sin Ju lâ dadaukra wihtka nani kum kata.

Apastil Nani Sturka 11:24

Bernabé lika waitna kum pain kata, witin Spirit Holikira ni bara kasak lukan lâka ni sin aibanhwan kan. Baha mita witin mita upla manis Dawan ra bri balan.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

2 Timoti 2:1

Bara man, luhpi, yawan na Kraist Jisas wal asla ba mita yamnika bri ba wina karnika bris.

Jasua 1:6

Kupiam karna bri bapi bûi bas, naha uplika nani tasbaya ba man kulki kaiki kiamka kumi bani ra dukia yabaia sma bamna, tasbaya ba witin nani prapatika sika, ai damika nani ra yabaia yang pramis munri ba.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”