2 Kronikas 18:7 - DAWAN BÎLA AISKA

⁷ Bara Israel kingka ba mita pana Josafat ra win: —Waitna kumi nâra sa, yawan sip sa witin bâk Dawan ra aisaia. Witin sika Micaías, Imlá luhpia ba. Sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

2 Kronikas 18:7 ပူးပေါင်းရင်းမြစ်များ

1 King Nani 18:17

Ahab bui Ilayas kaikan ba ra win: —¿Baku ba ra man sma ki Israel luhpia nani ra trabil dauki ba?

1 King Nani 18:4

kan Jezabel bui Dawan prapitka nani ra iki tiki kata baha piua ra, Abdías bui prapit 100 brih, dakni wâl ra baiki saki, tasba unta ra yukuki bahara brit lî wal dakaki kan.

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:8

Bara Israel kingka ba mita pana Josafat ra win: —Waitna kum nâra sa, yawan sip sa witin bâk Dawan ra aisaia. Baha lika Micaías Imlá luhpia ba, sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

2 King Nani 9:22

Bara Joram ba Jehú kaikan ba ra win: —¿Kupia kumi lâka sturka brih aulma ki, Jehú? Bara Jehú pana win: —¿Dîa kupia kumi lâka bâra kabia, man mamikam Jezabel ba ur takan baman tauki ba, bara sukia lâka ba sin swiras ba?

2 Kronikas 18:13

Bara Micaías pana win: —¡Dawan nina mâki swer takisna, Gâd bui dîa ai wibia ba baha aisamna!

2 Kronikas 18:6

Bara Josafat mita win: —¿Naha tani ra nâra sa ki Dawan prapitka wala kum, yawan bui witin ra aima wala kum makabi walaia?

2 Kronikas 18:8

Baha ningkara, Israel kingka mita ai wihtka kum ra adar yaban: —¡Pat pali, Micaías Imlá luhpia ba wih bri bal!

Lawana Nani 34:21

Watawikira nani ba, ai saurka dauki ba mita kli tawi ikbia; yamni man dauki uplika ra, misbara kaiki nani ba klala bribia.

Lawana Nani 69:14

Ai swirka drapapa ra dimi wamnara, swaki ai sâks baha nani misbara ai kaiki ba wina, bara baha laya tihuka ba wina sin.

Sins Lâka 25:12

Gul kau pain ba ni mihtadingka kum, lilura kum daukan ba baku sa, sinskira wan kupia kraukaia smalkan bîla ba, upla kum baha alki briaia tânka bri ba.

Sins Lâka 29:10

Upla âikra nani bara saurakira nani mita upla wapnikira pruaia kat misbara kaikisa.

Sins Lâka 9:8

Lawaska kakikra ra kupia kraukma, man misbara kaikaia lâka ni brima; sinskira ra kupia krauks, bara witin latwan mai kaikbia.

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Emus 5:10

Tawan dimaika nani kat, man nani ra lâ tânka mai smalki uplika nani ra misbara kaikisma ba, bara upla kasak nani ra misbara kaikisma ba.

Miqueas 2:7

¿Dîa man nani lukisma, Israel luhpia nani ba lahtubanka munhtara sa? ¿Gâd na ai kupia alki takaskras takan ki? ¿Man nani lukisma ki, Gâd ban baku pali daukbia? ¿Upla yamni, diara wapni dauki ba dukiara, yamni aisisa apia?

Mark 6:27

Bara mahka king ai suldiarka kum blikan Jan lal ba brih balaia wisi.

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Jan 15:24

Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Galesha 4:16

Bara nanara lika, ¿dîa yang na man nani waihlam kum takri sa ki, diara kasak ba mai wîri tâwan?