2 Kronikas 18:21 - DAWAN BÎLA AISKA

²¹ bara witin mita win spirit kunin kum king prapitka nani ra yarka aisabia. Bara Dawan win baha pain sa, bara witin wih ki kunin munbia, bara baku daukbia.

2 Kronikas 18:21 ပူးပေါင်းရင်းမြစ်များ

2 Kronikas 18:19

Bara Dawan makabi walan ya bui Israel kingka Ahab ra munka Ramot Galaad tasbaya ra uli wih bahara pruaia. Bara kum kum ba diara kum aisi kan, wala nani ba diara wala aisi kan.

2 Kronikas 18:22

Bara nanara pat nu sma Dawan mita man damra aisasara nani tilara spirit kunin aisaia mangkan sa, bara Dawan ba wilin pali takan sa man puramra pât saura brih balaia.

Job 1:12

Bara Dawan mita dahra kwakwahkra ra win: —Aitani, dîa brin mai dauki ba kat dauks Job dukia nani ba wal, sakuna witin pali wîna ra lika saura munpara. Bara dahra kwakwahkra ba, Dawan mawan wina mahka taki wan.

Job 2:6

Bara Dawan pana dahra kwakwahkra ra win: —Aitani, dîa witin ra daukan mai dauki ba kat dauks, ban sakuna ai rayaka ba lika tikpara.

Lawana Nani 109:17

Witin lika ai bîla sawaia lihki kan, bara bîla saura ba witin ra wibia; upla ra yamni wiaia lika pain kaikras, ¡bara yamni munras kan!

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

1 Jan 4:6

Sakuna yawan lika Gâd dukia sa; bara ya Gâd kakaira ba yawan ra walisa, kuna Gâd wina apia uplika ba yawan ra walras sa. Baha mita, yawan kaikaia sip sa, ya Spirit pain brisa bara ya kunin spiritka bri ba.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 20:8

bara tasba aiska nisanka nani ra kunin munaia taki wabia. Witin mita Gog bara Magog kunin munaia wabia, bara baha wal suldiarka daknika nani ba asla daukbia war aiklabaia dukiara; baha daknika nani ba lika ailal pali sa, sim kabu auhika baku.

Wihta Nani 9:23

bara Dawan mita daukan Abimélec bara Siquem uplika nani ba wal, pana pana saura munaia spiritka ai tilara dingkan, witin nani Abimélec mapara buaia,