2 Kronikas 18:11 - DAWAN BÎLA AISKA

¹¹ Bara prapit nani sut ba baku baman ai dahra aisi, win: “Ramot, Galaad tasbaya ra uli was, bara pura luma, kan Dawan mita tawanka ba mihtam ra mangkbia.”

2 Kronikas 18:11 ပူးပေါင်းရင်းမြစ်များ

1 King Nani 4:13

Ben-guéber, Ramot Galaad ra, witin sin Manasés luhpia Jaír tawanka nani ai mihta ra bri kan, baha ba Galaad ra sa, baku sin Argob tasbaya ba sin, baha ba Basán ra sa, tawan tara nani asla sut 60 bâra sa, baha nani ba kutban kan, prakaika ba bras bara ayan ni daukan kata;

2 Kronikas 18:10

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “Dawan naku wisa: ‘¡Naha aringka nani wal Siria uplika nani sut ba mangki âpu pali daukma!’ ”

2 Kronikas 18:12

Micaías mata blikan uplika ba, witin ra aisi, naku win: —Kaiks, prapit nani sut ba bîla yamni baman king ra aisisa, baku bamna man sin baha nani wal baku bîla yamni nani aisama, bara man maisa pakma pura lubia ba dukiara.

2 Kronikas 18:5

Bara Israel kingka mita prapit nani 400 asla dauki, witin nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Was bara aiklas, Gâd bui king lâka ba man mihtam ra mangkbia bamna.

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.