2 Kronikas 15:8 - DAWAN BÎLA AISKA

⁸ Asá naha sturka walan ba ra prapit ba wina, ai kupia karna takan, bara aidul nani aihka saura bâra kan ba Juda bara Benjamín tasbaya ra, bara sin tawan nani Efraín untika pîska ra kan dakbi brin nani bâra kan ba, sut sauhki tikan; bara Dawan altarka kli paskan, baha tempel kutbanka bilara latka mawan kat kan yaba.

2 Kronikas 15:8 ပူးပေါင်းရင်းမြစ်များ

1 King Nani 11:5

Salaman lika Sidón nani gâdka bahki Astarté ra nina blikan, baku sin Milcom, Amón uplika nani gâdka saura pali kulkan ba ra sin nina blikan.

1 King Nani 11:7

Baha yua nani ra Salaman utla kum mâkan, Jerusalem lalma tani, unta tilara aidul bahki Quemós ra mayunaia; baha ba Moab uplika nani aidulka kan, baku sin Moloc ra, naha lika Amón uplika nani gâdka bahki kan ba.

1 King Nani 15:9

Asá Juda ra kingka aimakan mani 20, Jeroboam Israel kingka aimaki kata piua ra.

2 King Nani 16:14

Bara baha bras altarka Dawan tempelka mawan kat kan ba lika, Ahaz bui saki altar ba yahbra tani ra mangkan, bara nanara Dawan altarka raya ba bara tempel ba lila kat kan.

2 King Nani 18:22

Bara baku sin man nani bui yang ra ai wima kaka: Yang nani Dawan wan Gâdka ra kasak lukisna, yang kasak pali tânka brisna naha waitnika sika kiuhsi pura nani ra prias watla nani sauhki tikan ba, Ezequías apia. Bara sin Juda bara Jerusalem uplika nani ra adar yan, Jerusalem altarka ra baman mayunaia ba.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

2 Kronikas 13:19

Abiam ba Jeroboam nina blikan, bara Betel, Jasaná bara Efraín tawanka nani ba mihta dakban, ai tawanka sirpi nani tnaya ra kan ba sut kira.

2 Kronikas 17:2

Bara witin suldiar nani aihwakaia swin Juda tawanka tara nani sut ra Juda tasbaya ra, bara Juda tasbaya ra bara Efraín tawanka nani sut ra suldiar takaskaia watla mâkan, witin ai aisa Asá mita aiklabi pura lui brin tawanka nani ba ra.

2 Kronikas 19:11

Prîs tara Amarías ba man nani wihtkam kabia, Dawan ra mayunaia warkka sut daukbia, bara Zebadías Ismael luhpia ba, Juda tawanka lalka kabia, tawan lâka nani ba dauki kaia dukiara. Bamna Libait nani ba lika man nani tâm baiki kabia wark dauki kaia. ¡Bara ya yamni dauki ba Dawan baha wal kabia!”

2 Kronikas 19:4

Josafat Jerusalem ra iwi kan, sakuna ai tawanka ba wapi kaikaia lâka bri kata, Beerseba wina Efraín ilka nani kat, upla nani ai damika nani Dawan Gâdka ra kli lakaia dukiara.

2 Kronikas 29:18

Baha ningkara witin nani king Ezequías watla ra diman bara win: “Pat tempel ba klin dauki banhri: aiska angkaia sakripaiska daukaia altarka ba, diara watla nani ba sin, baha brit kahbaia tibilka holikira pali pliska ra ba sin, bara diara watla nani ba sut.

2 Kronikas 4:1

Baha purkara altar kum bras ni daukan, 30 pît bîla yahpika, 10 pît yarika, 15 pît pura tani.

2 Kronikas 8:12

Bara tempel dimaika ba kat Salaman bal, aiska angki sakripaiska nani ba angki Dawan ra yan.

Aiseya 44:14

Apia kaka upla kum kra, yalam dusa ba mangkisa bara lî auhi ba wal pâwisa; baha ningkara bri kabia yalam dusa klakaia, apia kaka saiprus dusa, apia kaka usupum dusa, unta ra main kaiki yaban tara nuhwan kat.

Aiseya 65:4

witin nani raiti nani ra takaskisa, bahara yukuwaia watla untika nani ra, tihmia ba luisa; kwirku wîna pîsa, ai dakawa nani ra pilalka ba sin, baha saura pali kulkan ba dukia nani ba brisa.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Isikiel 8:10

Dimri, bara kaikri bara kaiks piuta lilka, bara yamni kaikaia apia daiwra talika lilka; bara Israel watla ra aidulka nani sut ba lilkika daukan kata kutban aiska ra.

Libait Lâka 18:30

Bamna lâika nani ba alki lan taks bara saurka ra kauhpara, wala nani kainamra kauhan ba baku, witin nani wal sin tâski takpara. Yang sika man nani Dawan Gâdkam.”

Matiu 25:16

Alba lalah 5,000 brin ba, baha lalahka ba wal bisnis dauki kau lalah 5,000 sakan.

Apastil Nani Sturka 28:15

Rom ra wan muihni nani pat yang nani sturki walan kan, bahamna witin nani ba yang nani maipa ra balan, Apio Forum pliska kum nina, Utla Yumhpa wi ba kat. Pal baha nani kaikan ba ra, Dawan ra tingki win bara ai kupia aimakan.

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.