2 Kronikas 15:16 - DAWAN BÎLA AISKA

¹⁶ Baha purkara, king Asá bui kwin yapti lâka wina sakan Maacá ra, ai kukika ba, Aserá lilka kum paskan ba tâwan. Baha lilka kata ba Asá bui baiki sauhki tikan, bara angkan luan Cedrón tingnika ra.

2 Kronikas 15:16 ပူးပေါင်းရင်းမြစ်များ

1 King Nani 15:10

Bara witin Jerusalem ra mani 40 king aimakan. Ai kukika nina ba, Maacá kan, Absalón luhpia mairin.

1 King Nani 15:2

Bara Jerusalem ra mani yumhpa king aimakan. Ai yaptika nina ba Maacá, witin ba Absalón luhpia mairin kan.

2 King Nani 23:12

Baha purkara sin, Juda kingka Ahaz, pura tani ra asla takaia pliska paskan kan ba, bara altar nani Manasés mita paskan kan ba, Dawan tempelka latka tani ra, baha nani sut sauhki tiki, yuya nani ba Cedrón tingnika ra lulkan.

2 King Nani 23:15

Baku sin sakripais daukaia pliska ba ra, Dawan wal aisaia watla Betel ra mâkan kata ba, Jeroboam, Nabat luhpia Israel ra yaban saura daukan ba, Josías mita kaiki âpu daukan ba ra angki sut tikan, Aserá lilka nani bâra kan ba sin.

2 King Nani 23:4

Bamna king ba mita prîs tara Hilquías ra adar yaban, bara prîs wala nani ra, baku sin dur ra aihwawakra nani ra, Dawan tempelka ba wina diara nani bâra ba sut sâkbia, baha dukia Baal Aserá wal dukiara daukan nani ba, lilka bahki nani, slilma ra mayunaia daukan nani ba sin sut, bara Jerusalem ba wina latara saki bri si, Cedrón twiya kat angkan luan; bara baha yamhpuska nani ba yaban Betel kat sin brih wan.

2 King Nani 23:6

Bara Aserá lilka bahki nani daukan nani kata ba Dawan tempelka ra bri kan nani ba sin, munan Jerusalem ba wina latara saki lulkan, bara Cedrón tingnika ra bri si angkan, bara yamhpuska nani ba tawan luhpia nani raitika ra auhban.

2 Kronikas 15:17

Bara Israel ra gâd bahki wal aisaia watla nani ba ai tila wina sakras kan, Asá ban Dawan ra kasak luki kan,

2 Kronikas 29:16

Baha ningkara prîs nani ba tempel ra diman sunu daukaia dukiara, tâski dukia nani sut ba latara saki swin tempel bilara kan nani ba, bara Libait nani bui Cedrón tingni ba ra brih wan.

2 Kronikas 30:14

Altar nani kîa yamni angkaia pliska Jerusalem ra paskan kata ba sut saki Cedrón tingnika ra lulkan.

2 Kronikas 34:7

Altar nani ba batakan, Aserá lilka bara aidul nani ba sut yamhpus baman daukan, bara sîka mâka kîa angki dauki tibilka nani sut sauhkan Israel tasbaya aiska ra. Ba ningkara kli Jerusalem ra balan.

Impakan Sturka 32:20

bara bîp lilka daukan kan ba alki pauta ra lulkan, bara saki mil ra mangki wauhan, yamhpus takan ba kat. Bara yamhpuska ba lî purara yakaban, bara Israel luhpia nani ra munan laya ba upla sut di banhwan.

Impakan Sturka 34:13

Man nani was bara altar diara angkaia watla bri ba bataks; lilka bahki nani bri ba kriki tiks, walpa ni lilka daukan nani ba sut âpu dauks.

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Sakaraya 13:3

“Bamna upla kum ban dahra aisaia wibia kaka, aisika bara yaptika wal witin ra wibia: ‘¡Man pruaisma, kan Dawan ai bîla dahra aisi ba ninak man kuninkam ba aisaisma ba tâwan!’ ¡Ai aisika, ai yaptika pali mita skiru ni sabia, witin prapit baku aisi kabia ba ra!

Mark 3:21

Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.

Jan 18:1

Jisas ai pura sunan ba ningkara, witin ai disaipilka nani aikuki Cedrón tingnika baila wala ra wan. Bahara giadin kum bâra kan, bara Jisas ai disaipilka nani wal bahara diman.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Kli Smalkanka 33:9

ai aisika bara ai yapti nani ra win: ‘Yang bui man nani mai kaikras pali’, bara ai muihni nani ra sin win: ‘Man nani ba yang mai kaikras’, bara ai luhpia nani ra win: ‘Man nani ya sma sapa yang nu âpu.’ Witin nani bîlam walisa, aiska pali man lâmka ra iwisa.

Kli Smalkanka 7:5

Man nani daukaia sma ba sika idan nani altarka sut batakaia, walpaya nani sut sauhki tikma, walpaya lal nani witin nani mayuni ba, aidulka nani sut angkma.

Kli Smalkanka 9:21

baha ningkara man nani paskram bîpka baha ni saura daukram ba yang briri, bara pauta ra lulkri, ningkara mil ra mangki wauhi auhya yuya baku dauki, il bîla albangkika ra yakabri.