2 Kronikas 14:7 - DAWAN BÎLA AISKA

⁷ Juda uplika nani ra win: “Kaisa tawan nani na paskaia, kutbanka nani sin paskaia, tawer nani, getka nani bara ayan nani ba sin, kuntrika na kau yawan wan karnika ra bri na piua ra. Kan yawan sika Dawan wan Gâdka ra plikan, witin sika yawan ra kupia kumi lâka wankan ba wan uplika nani wan lamara iwi nani ba aikuki.” Bara baku witin nani baha dukia nani ba sut pain paskan.

2 Kronikas 14:7 ပူးပေါင်းရင်းမြစ်များ

1 King Nani 15:23

Asá sturka nani, ai karnika bri kan ba bara dîa dîa daukan ba, tawan nani sin paskan ba, Juda kingka nani sturka ulban nani wauhkataya ra ulban sa. Ban sakuna, witin almuk taki kan piua ra, ai mina ra siknis kum takan.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 14:4

Bara sin Juda uplika nani ra win, ai Dawanka ba plikbia, ai damika nani Gâdka ba, bara lâka nani, adarka nani sin.

2 Kronikas 14:6

Baha piua nani sut brin ba, kupia yamni lâka bâra kan, aiklabaia lâka âpu kan upla wal, kan Dawan bui kupia kumi lâka yaban kan bamna. Baha pali piua ra Asá ba Juda ra tawan nani paskan, kaina sunaika nani sin.

2 Kronikas 15:15

Juda aiska lilia takan, upla nani ai kupia aiska ni Dawan ra swer takan bamna, ai lukanka aiska kira Dawan ra plikan bamna, bara witin sin param takan bara kupia kumi lâka yan, ai lamara iwi tawanka nani ba wal.

2 Kronikas 17:13

Bara Juda tawanka nani ra diara ailal bri kata. Baku sin suldiar kupia karnika nani sin uya bri kan Jerusalem ra.

2 Kronikas 17:17

Benjamín nina ra kan, Eliadá war aiklaklabra kupia karnika ba, witin nani 200,000 aiklaklabra nani ai mihta ra bri kan, ai kaina sunaika nani bara trisba nani sin.

2 Kronikas 20:30

Bamna baku Josafat kingka lâka ba ai kainara wan kata yamni lâka ra, kan Dawan bui kupia kumi lâka ra iwaia daukan ai lamara iwi uplika aikuki.

2 Kronikas 25:5

Amasías ba Juda bara Benjamín uplika sut asla daukan, bara kiamka bani ba kat asla dauki ai tila kat war lalka nani mangkan. Baha ningkara upla mani 20 bri ba wina purara ba kulkan bara 300,000 wahma nani sakan war ra waia langsa wal, ai kan kahbaika sin twilkaia.

2 Kronikas 26:13

Witin ai mihta ra war uplika bri kan 307,500, karnika tara pali, naha nani ba ani piua king mapara war kum aula ba taim hilp muni kan.

2 Kronikas 32:5

Ezequías ai kupia ba bukan bara tawan kutbanka ba kli paskan, bara tawer nani sin kutbanka ba purara kli paskan bara lata tani ra sin kutbanka kum. Baha purkara, Debit Tawanka ra tasba yakabi daukan pliska ba kau karna daukan, bamna langsa nani bara kan kahbaika dukia nani ailal paskan.

2 Kronikas 8:5

Bara sim baku Bet-horón pura tani tawanka nani ba, mâya tani tawanka nani ba sin kli karna paskan, kutbanka ba dimaika ba ayan ni paskan,

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Jasua 23:1

Dawan mita piua ailal luan ra Israel luhpia nani ra yan ai waihla nani wal kupia kumi kaia, Jasua sin pat almuk kan ba ra,

1 Pita 3:12

Kan Dawan lika kasakkira nani ba main kaikisa, bara baha nani pura sunra sin walisa; sakuna witin lika saura dadaukra nani mapara sa.”