2 Kronikas 14:6 - DAWAN BÎLA AISKA

⁶ Baha piua nani sut brin ba, kupia yamni lâka bâra kan, aiklabaia lâka âpu kan upla wal, kan Dawan bui kupia kumi lâka yaban kan bamna. Baha pali piua ra Asá ba Juda ra tawan nani paskan, kaina sunaika nani sin.

2 Kronikas 14:6 ပူးပေါင်းရင်းမြစ်များ

1 King Nani 5:4

Sakuna nanara Dawan Gâdki mita tawan nani sut wal kupia kumi lâka aikan sa, waihli nani ba âpu sa, diara saura kumi âpu sa sibrinka lukaia.

1 Kronikas 22:13

Diara sut mampa ra yamni kabia, Dawan bui Moses ra, Israel luhpia nani dukiara lâ nani yan ba aiska alki brima kaka, bamna kupiam karna brih pain bapi bûi bas, bara swapni taki si bripara.

1 Kronikas 22:9

Sakuna man luhpa waitna kumi brima, witin lika kupia kumi waitnika kabia, baha purkara yang munrika ani ani pliska ra ai waihla nani bâra ba, witin wal kupia kumi bri kabia. Baha mita ai nina ba Salaman mâkan kabia. Sakuna witin ai yua ra Israel ra kupia kumi bara lamni lâka bâra kabia.

2 Kronikas 15:15

Juda aiska lilia takan, upla nani ai kupia aiska ni Dawan ra swer takan bamna, ai lukanka aiska kira Dawan ra plikan bamna, bara witin sin param takan bara kupia kumi lâka yan, ai lamara iwi tawanka nani ba wal.

2 Kronikas 17:4

sakuna ai aisa Gâdka ra lika, ai bîla lâka nani ba alki dauki, Israel luhpia nani nina lika blikras.

2 Kronikas 20:30

Bamna baku Josafat kingka lâka ba ai kainara wan kata yamni lâka ra, kan Dawan bui kupia kumi lâka ra iwaia daukan ai lamara iwi uplika aikuki.

2 Kronikas 26:5

Trai munan Dawan lâka daukaia Sakaraya raya kata ba ra, kan witin bui smalkan Dawan ra kulkaia ba. Bara Dawan ra luki kan ba ra pâwanka nani manis brin kata.

2 Kronikas 31:21

Diara nani sut Dawan tempelka dukiara wark daukan ba, bara lâka nani ba sin, naha daukan sut ba ai kupia aiska Dawan lâka pliki daukan; baha mita dîa daukan sut ba yamni takan.

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Jasua 23:1

Dawan mita piua ailal luan ra Israel luhpia nani ra yan ai waihla nani wal kupia kumi kaia, Jasua sin pat almuk kan ba ra,

Wihta Nani 3:11

Baha ningkara witin nani 40 mani ai tasbaya ra kupia kumi lâka ra iwi kan. Otoniel pruan ba ningkara,

Wihta Nani 3:30

Baku sika Israel luhpia nani bui Moab uplika nani ra pura luan ba. Baha ningkara 80 mani witin nani ai tasbaya ra war aiklabras kupia kumi lâka ra iwi kan.

Wihta Nani 5:31

“¡Dawan, man waihlam nani sut ba, yarka baku sauhki tikan kabia, bara baha nani latwan mai kaiki nani ba, yu lapta ai karnika aiska ingwi ba baku ingwi kabia!” Baha ningkara witin nani mani 40 kupia kumi bara lamni lâka ra iwi kan.