2 Kronikas 14:4 - DAWAN BÎLA AISKA

⁴ Bara sin Juda uplika nani ra win, ai Dawanka ba plikbia, ai damika nani Gâdka ba, bara lâka nani, adarka nani sin.

2 Kronikas 14:4 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

2 Kronikas 11:16

Ban sakuna, kasak pali Dawan ra ai kupia aiska ni plikaia luki nani ba, Dawan Israel Gâdka ra, Libait prîska nani lâka nina blikan; bara Jerusalem ra wih banhwan sakripais daukaia ai almukka nani Dawan Gâdka ra.

2 Kronikas 14:3

Tringsar nani gâdka altarka bâra kan ba sut sakan, ai pura sunaia pliska nani gâd bahki ra witin nani dawan wal aisaia bri kan pliska nani ba sin baiki tikan, baku sin Aserá lilka nani kan ba sut kalki tikan.

2 Kronikas 14:5

Juda wina altar bahki pura sunaia pliska kan ba sut sakan, witin ai piua sut ba kupia kumi lâka bâra kan.

2 Kronikas 29:21

Witin nani brih wan bîp wainhka 7, guts sirpi 7 bara sîp sirpi 7, saurka swih tikaia prisantka daukaia king taika nani ba, tempel ba bara Juda dukiara sin pura sunaia. King ba Eran kiamka prîs nani ba ra win, baha prisantka nani ba Dawan altarka ba purara aiska angkbia.

2 Kronikas 29:27

Bara Ezequías ridi kan, sakripais ba altar purara daukaia. Bara sakripais ba daukaia minitka ra, Dawan ra kulki lawana aiwani banhwan, trumpit puhbi, miusik sâtka wala sin kangbi, Debit yan ba wal.

2 Kronikas 29:30

Ningkara king Ezequías bara wihta tara nani ba sin win Libait nani ra sin Dawan ra mayunbia, king Debit lawana ba aiwanaia bara prapit Asaf lawana ba sin aiwanaia. Bara witin nani lilia pali aiwanan, baku sin ai lula kriki Dawan ra mayunra yan.

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

2 Kronikas 30:19

Dawan, man wan almukka nani Gâdka, naha uplika nani saura wina klin takras kra kabia, sakuna tempel ba klin sakan kabia ba want sa.”

2 Kronikas 33:16

Baha ningkara Dawan altarka nani ba kli paskan, bahara kli wal uplika takaia bara tingki wiaia sakripaiska daukan, bara Juda ra win Dawan Israel Gâdka ra baman mayunaia.

Nihimaya 13:9

Bara yang wîri utla bîla ba pahbi sunu daukbia, bara kli Gâd watla dukia nani ba, diara auhbaia watla nani ba, dus mâka kîa nani bara prisantka nani ba Gâd tempelka bilara bri si swiaia.

Lawana Nani 119:10

Yang kupi aiska ni mai plikri; aikrika lâmka bîla nani ba wina tnaya ra tawamnara.

Emus 5:4

Israel luhpia nani ra, Dawan naku aisisa: “Man nani, yang ra bal, bara raya kama.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

1 Samuil 3:13

Witin ra maisa pakri yang klala yabaisna ba ban kaia, baha yabaisna ba witin sut kaikisa, ai luhpia nani ba laihtuban, sakuna witin baha nani ra lawi daukras kan.