2 Kronikas 14:14 - DAWAN BÎLA AISKA

¹⁴ Baha ningkara tawanka nani aiska purara kauhan Guerar lamara nani ba ra, bara upla sut sibrin ni aibanhwan kata Dawan mapa ra. Juda uplika nani mita alki taibi dukia dakban, diara yamnikira nani ailal kan ba sut.

2 Kronikas 14:14 ပူးပေါင်းရင်းမြစ်များ

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

1 King Nani 15:23

Asá sturka nani, ai karnika bri kan ba bara dîa dîa daukan ba, tawan nani sin paskan ba, Juda kingka nani sturka ulban nani wauhkataya ra ulban sa. Ban sakuna, witin almuk taki kan piua ra, ai mina ra siknis kum takan.

2 King Nani 7:16

Upla nani ba taki wan, bara Siria uplika nani dukia kan ba sut brin. Bara plawar ba atkan upla nani ra batil 7 ba silbar mâ kumi mana, bara barli mâ batil 15 ba silbar mâ kumi mana atki kan, dîa Dawan bui aisan kan ba kat.

2 Kronikas 14:15

Baku sin bîp nani ailal bâra kan ba kiampka ra sin wih aiklaban, bara dakbi brih wan sîp nani ailal, kiamil nani sin ailal, bara witin nani kli Jerusalem ra tawi balan.

2 Kronikas 17:10

Baha tilara, Juda lamara king nani uya bâra kan ba, Dawan ra sibrin daukan, baha mita Josafat mapara war aiklabaia lukras kata.

2 Kronikas 20:25

Bara baha ningkara Josafat ai uplika aikuki kupia tanh krawan, ai waihla nani diara swih wan ba wih wahbi briaia. Witin nani wan bara aiklabaia dukia nani, kwala nani bâra kan, bara baha sut witin nani wahbi kan. Diara ailal pali kan bamna, sut bri waia sip apia kan. Baha diara ailalka ba yu yumhpa wahbi kan.

2 Kronikas 20:29

Ai dahra wali banhwan taim Dawan ba Israel waihla nani ba mapara aiklaban, nisan wala nani ba sut Gâd ra sibrin lukan.

Job 15:21

Ai kiama ra bin nani wali bara sirang iwisa kasak yukuwan sa luki, bara âimplikra nani mita bal dukia nani implikisa.

Lawana Nani 68:12

“¡King nani ba ai aiklaklabra aikuki plapisa!” Mairin nani ba, watla ba ra yui bri banhwisa, dîa ai waihla mihta wina dakban kata ba dukia nani ba.

Aiseya 31:9

Sibrin mita ai kingka ba taki plapbia bara ai watla karnakira nani ba swih plapbia war aiklaklabra wihtka tara nani ba sin, sibrin tara mita ai plakinka nani ba swih plapbia. Dawan ba naku wisa, witin lika upla angkaia pata klauhanka ba Saion ra ridi brisa, diara angkaika ba sin Jerusalem ra, ai waihla nani ba klala yaia ridi brisa.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.

Wihta Nani 14:19

Baha ningkara Dawan spiritka ba Samson ra iwan, bara witin waitna karna takan; bamna Ascalón ra wan, bahara 30 waitna ikan baha tawanka uplika nani ra. Bara baha nani kwalka nani ba ni 30 waitna nani ra aibapan, witin dahra prakan tânka makabi walan ba param saki win ba waitnika nani ra. Ban sakuna, witin ai kupia sauhki ai aisa watla ra wan,

1 Samuil 14:15

Filisteo nani sut bâra kan ba kasak sirang iwan, aiklaklabra daknika tara nani bara sirpi nani sin ai takaskaika ra bâra kan ba, sut sirang iwan. Witin nani aiklabi kan bara tasba ba sin nikbi kan ba ra, prura sibrinka upla ra diman.