2 Kronikas 14:13 - DAWAN BÎLA AISKA

¹³ Sakuna Asá ai uplika nani wal nina blikan Guerar kat, bara Etiopía uplika nani ba kumi sin raya swiras kan, sut ba sauhki tikan Dawan mawanra, ai suldiar nani ba sut sin, ningkara ai waihla nani dukia diara ailal brin.

2 Kronikas 14:13 ပူးပေါင်းရင်းမြစ်များ

Blasi Sturka 10:1

Naha nani sika Noa luhpia nani kiamka ba: Sem, Cam, Jafet ba, lisamra tara luan ba ningkara witin nani ai luhpia baikan ba wina ai kiamka nani takan ba.

Blasi Sturka 10:19

Witin nani ai tasbaya piarkika ba, Sidón wina waupasa tani ra Guerar kat, baha lika Gaza lamara, baha wina lalma tani ra Sodoma, Gomora, Adma ban Seboím bâk lui Lesa lama kat.

Blasi Sturka 20:1

Baha tasbaya ra bâra kan ba wina, Ebraham witin Négueb tani ra impaki wan, bara Cadés wihki Sur wal bilka ra takaskan, baha wina tisku Guerar ra wih iwan.

Blasi Sturka 26:1

Baha yua nani ra baha tasbaya aiska ra plun tiwan tara kan, Ebraham yua nani ra plun wahwan kata ba purkara. Baha mita Aisak filisteo kingka Abimélec ra wan Guerar ra.

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

1 Kronikas 12:22

Yu bani Debit ra kau war uplika nani wih, witin ai daknika ra asla taki kan; war aiklaklabra daknika tara takan, war aiklaklabra daknika karnakira pali takan kata.

2 Kronikas 12:3

bara 1,200 wagin nani, aras ra uli aiklabi nani ba 60,000, bara war uplika kwâra tara wal, Idsip wina witin wal aula kan ba aikuki: Libia uplika nani, suquieno nani bara Etiopía uplika nani sin.

2 Kronikas 14:14

Baha ningkara tawanka nani aiska purara kauhan Guerar lamara nani ba ra, bara upla sut sibrin ni aibanhwan kata Dawan mapa ra. Juda uplika nani mita alki taibi dukia dakban, diara yamnikira nani ailal kan ba sut.

2 Kronikas 15:11

Bara baha yua ra Dawan ra 700 bîp bara 7,000 sîp sakripais daukan ai waihla wina nani dakban daiwra nani kan ba.

2 Kronikas 17:10

Baha tilara, Juda lamara king nani uya bâra kan ba, Dawan ra sibrin daukan, baha mita Josafat mapara war aiklabaia lukras kata.

2 Kronikas 20:29

Ai dahra wali banhwan taim Dawan ba Israel waihla nani ba mapara aiklaban, nisan wala nani ba sut Gâd ra sibrin lukan.

Job 6:9

¡Aitani kabia, Gâd ban lukbia kaka, rayaki na tuyukbi âpu ai daukbia kaka!

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 108:11

Gâd, man bui yang nani ra lulki ai swiram sa, kan man wan aiklaklabra nani wal taki waras sma.

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,

Jasua 5:14

—Kumi sin apia, wala ba sin apia —waitnika ba pana win—. Dawan aiklaklabra nani bri ba, baha nani pura wihtka baku yang balri. Bara Jasua lika witin mawanra ai mawan ai lal tasba kat bawan, bara makabi walan: —¿Dawan mita man nampakan ra dîa wiaia brin mai daukisa?

1 Samuil 25:28

bara dukiam dadaukra mairin na pâtka ban swih tiks; kasak pali Dawan bui man mai alki bribia ai karnika ra, kiamkam nani sut sin, man Dawan dukiara aiklabisma bamna, bara rayakam yua sut ra pât saura wauhma apia.