2 Kronikas 14:11 - DAWAN BÎLA AISKA

¹¹ Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

2 Kronikas 14:11 ပူးပေါင်းရင်းမြစ်များ

1 King Nani 8:44

“Uplikam nani ai waihla nani mapara aiklabaia taki wabia ani anira man blîkma ba, witin nani man ra ai pura sunbia, man tawan bâk sakram ba ra kaiki, bara tempel watla yang mita paskri ba ra sin;

1 Kronikas 5:20

sakuna witin nani ra Dawan bui tâ baikan bamna, Agar uplika nani bara dakni nani kum kum Agar uplika wal asla takan kan nani ba sut ai mihta ra kauhan, kan war aiklabi kan piua ra witin nani Dawan ra makaban ai tâ baikbia dukiara, bara Dawan bui tâ baikan, witin nani Dawan ra kasak lukan ba mita.

2 Kronikas 13:12

Damra wali banhwi bas, kan yang nani kainira Dawan ai prîska nani aikuki bâra sa, bara ridi banhwisa war trumpit ba puhbaia man nani mampara. Baha mita, Israel luhpia nani, Dawan mapara war bukpara, kan almukkam nani Gâdka sa, bara man nani sip pura luma apia.”

2 Kronikas 13:14

Juda uplika nani ai ninara tawi kaikan, bara ai dahra walan witin nani ra nahki aiklabi kan ba ai nina wina bara ai mawan wina, bara witin nani Dawan ra winan, bara prîs nani sin trumpit ba puhban.

2 Kronikas 13:15

Bara Juda uplika nani war binka nani wal winan ba ra, Dawan bui Jeroboam ra pura luan bara sin Israel aiska sut Abiam bara Juda mawanra.

2 Kronikas 13:18

Baku Israel luhpia nani ba, kasak umpira yaban takan baha piua ra, sakuna Juda uplika nani lika karna pali ai dara wali kata, kan Dawan ra kasak lukan ba mita, ai almukka nani Gâdka ba.

2 Kronikas 14:10

Asá ba taki wal prawan ai waitnika nani wal, bara ai pliska brin war aiklabaia Sefata twiya ra, baha ba Maresá lamara kata.

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

2 Kronikas 18:31

Bara war waginka lalka nani bui Josafat ba kaikan ba ra, lukan kasak pali baha sika Israel kingka, bara kutbi brin witin mapara aidrubi wih aiklabaia dukiara. Bamna Josafat ai pura winan hilp makabi, bara Dawan bui tâ baikan. Gâd bui baha nani ba ai tnaya wina sakan,

2 Kronikas 20:12

Wan Gâdka, ¿witin nani ra klala yaras ki? Kan yang nani karnika luha sni, baha nani suldiar kwâra tara bri ba mapara aiklabaia. ¡Yang nani daihra walras dîa daukaia; baha mita wan nakra man kat mai kaiki banhwisna!”

2 Kronikas 20:32

Josafat ba kasak lâka ra, ai kingka lâka ba brih wan kata. Ai aisa Asá kan baku, ai daukanka nani ba Dawan mawanra wapni baman kata.

2 Kronikas 25:8

Sakuna man aiklaklabrikam nani tâ baikaia lukisma kaka, witin nani wal war ra waia, Dawan mita witin nani ba yaka kauhbia waihla nani mihta ra, kan Dawan ba karnika brisa tâ baikaia bara sauhki tikaia sin.

2 Kronikas 26:7

Dawan hilp munan filisteo nani mapara buaia, bara Arabia wina nani Gur-baal ra iwi kan ba bara meunita nani mapara sin.

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

2 Kronikas 32:8

Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

Lawana Nani 120:1

Yang pât ra sna ba ra, yang bui Dawan ra winisni bara witin pana yang ra walisa.

Lawana Nani 18:6

Trabil saura ra kapri yang Dawan ra winri, yang Gâdki hilpka briaia makabri bara witin ai tempelka wina bîli baikra walan; ¡yang inanki nani ba ai kiama ra diman!

Lawana Nani 20:5

Bara man pura luram ba, yang nani liliaka daukamna, yang nani Gâdki nina ba mâki, plakinki nani sin bapamni. ¡Man diara nani makabram ba, sut aiska Dawan maikbia!

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 20:8

Baha nani lula ba witin bui takalbia ba ra, witin nani kauhbia, sakuna yang nani lika bapi bûi kamna.

Lawana Nani 22:5

Witin nani hilpkam makaban bara man bui witin nani ra swaki sakram; man kat mai kulki kan, witin nani swira daukras katma.

Lawana Nani 22:6

Sakuna yang na upla apia, yang na liwa kum sna; upla nani sut, yang na saurakira ai kulki misbara ai kaikisa.

Lawana Nani 34:6

Naha waitna umpira ba inan, bara Dawan bui witin ra walan, ai trabilka sut wina pri sakan.

Lawana Nani 37:5

Man rayakam ba Dawan mihta nani ra mangks; witin kat luki tniwi bas, bara witin hilp maikbia.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 9:19

Dawan, bus; praut nani ba swirka puram lubiara; ¡idan nani mamwanra ba lâka aisi dauks!

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Impakan Sturka 14:10

Israel luhpia nani ai dara walan, king fero bara Idsip uplika nani aikuki pat ai lamara aula kan ba. Witin nani sibrin pali daukan bara mahka Dawan ra ai pura sunan.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 10:20

Baha yua ra nani ra Israel ra upla wiria man takaskan kabia nani ba, Jekob watla uplika nani kau raya kabia ba, witin nani ra rausauhkan nani bara kli aikuki ai tâ baikbia apia, sakuna kasak pali sika, Dawan Israel Gâdka Holikira ra ai tâ baikbia.

Aiseya 2:22

Man nani upla ra kasak lukpara, upla ba praprura sa. Rayaka ba wan wingka puhbra kumi baman sa.

Aiseya 26:13

Dawan wan Gâdka, dawan wala nani man tnamya ra yawan wan dawanka aimakan, sakuna yang nani lika man baman wan Dawanka mai brisni.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Libait Lâka 26:8

man nani matsip mita 100 waitna munrika plapi kabia, man nani handat kumi mita 10,000 ra munrika plapan kabia; waihlam nani sut sordka kainamra kauhan kabia.

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Jan 14:1

“Man nani kupiam ra uya trabil taki luki kapara. Gâd ra bara yang ra sin kasak luki bas.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Apastil Nani Sturka 2:21

Bamna, Dawan nina mâki wini nani ba sut lika swaki sakan kabia.’

Apastil Nani Sturka 3:16

Naha sim Jisaska nina ra kasak luki ba mita sika naha waitna wapaia karnika brin, naiwa man nani sut kaikisma na, Jisas nina ra kasak lukan lâka ba mita sika. Baha kasak lukan mita sika aiska pali rawan na, baku man nani sut kaikaia sip sma.

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Kli Smalkanka 32:27

Sakuna waihla nani lawaska kiki ba yang want apia kapri; want apia kapri waihli ba aimayunbia bara wibia: Naha na Dawan daukras; yang nani karniki ni daukri.’

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.

Wihta Nani 7:7

Bara Dawan Gedeón ra win: “Naha 300 waitna nani na aikuki, man nani swaki mai sakaisna, bara Madián uplika nani ba sin sauhki tikamni. Waitna wala nani sut ba sip sa kli tawi waia.”

1 Samuil 14:6

Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.

1 Samuil 17:47

upla sut nâra aidruban na kaikbia Dawan ba sord ni bara langsa ni sin swaki wan sakras. Naha na Dawan warka, witin bui wan mihta ra mai mangkbia.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.