2 Kronikas 13:15 - DAWAN BÎLA AISKA

¹⁵ Bara Juda uplika nani war binka nani wal winan ba ra, Dawan bui Jeroboam ra pura luan bara sin Israel aiska sut Abiam bara Juda mawanra.

2 Kronikas 13:15 ပူးပေါင်းရင်းမြစ်များ

2 King Nani 5:1

Waitna kumi kan nina Naamán, Siria kingka suldiarka wihtka tara, kingka ba mita witin ra tara kulki kan bara yamni sin kaiki kata, kan witin mita sika Dawan bâk Siria ra yan ai waihla pura luan. Sakuna baha waitnika ba lipar sikniska bri kan.

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

2 Kronikas 14:12

Bara Dawan bui Asá bara Juda wal ra pura luanka lâka yaban Etiopía uplika nani mapara, baha mita naha nani mahka plapan.

2 Kronikas 18:31

Bara war waginka lalka nani bui Josafat ba kaikan ba ra, lukan kasak pali baha sika Israel kingka, bara kutbi brin witin mapara aidrubi wih aiklabaia dukiara. Bamna Josafat ai pura winan hilp makabi, bara Dawan bui tâ baikan. Gâd bui baha nani ba ai tnaya wina sakan,

2 Kronikas 20:21

Bara tawan ra tânka plikan ningkara, aiwawanra nani kum kum mangkan kata, holi kwalka nani dingkan, suldiar nani kainara wapaia; bara lawana aiwani Dawan ra mayunaia: “Dawan ra tingki wis, kan ai latwanka lâka ba ban kaia ra sa.”

2 Kronikas 20:22

Tisku witin nani mahka lilia lawana Dawan ra aiwani banhwan ba ra, Dawan mita Amón uplika nani tilara tanis sin daukan, Moab uplika nani tilara sin, bara Seír ilka uplika nani tilara sin, baha nani Juda mapara war daukaia aula kan, sakuna baha nani ra sut sauhki tikan.

Lawana Nani 47:1

¡Mihtam pruks, upla sut! ¡Dawan ra wins, lilia karna wini mayuns!

Lawana Nani 47:5

¡Dawan Gâd ai iwaika ra iwan, wini, lilia bin dauki, trumpit puhbi kira!

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Kulki Kaikanka 32:4

Dawan mita baha tasbaya nani ba dakbi Israel luhpia nani ra yan ba, baha tasbaya nani ba twi manis pâwisa bîp nani pata. Yang nani dukiam dadaukra nani brisna ba sika bîp manis.

Jasua 11:8

Bara Dawan ba Israel luhpia nani mihta ra yan pura luaia, baku ban rausauhki pura lui Sidón bara Misrefot-maim tawanka tara ba kat wan, bara lalma tani Mispá twiya kat upla kumi sin raya swiras kata.

Jasua 6:16

Prîs nani ba 7 yua ba trumpit puhban, bara Jasua sin upla nani ra win: “¡Nanara man nani sin puram wins! Tawanka na Dawan bui man nani mihtam ra mangkan sa.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,

Wihta Nani 4:15

bara Sísara ai suldiarka nani aikuki Barac sordka mapara aiklabaia dimi wan ba ra, Dawan bui Sísara suldiarka nani ba bara wagin ra uli aiklaklabra nani sut ba tilara sibrin tara dingkan bara plapi banhwan; Sísara pali sin sibrin mita waginka wina iwi ai mina ni plapi kan.