2 Kronikas 13:14 - DAWAN BÎLA AISKA

¹⁴ Juda uplika nani ai ninara tawi kaikan, bara ai dahra walan witin nani ra nahki aiklabi kan ba ai nina wina bara ai mawan wina, bara witin nani Dawan ra winan, bara prîs nani sin trumpit ba puhban.

2 Kronikas 13:14 ပူးပေါင်းရင်းမြစ်များ

1 Kronikas 5:20

sakuna witin nani ra Dawan bui tâ baikan bamna, Agar uplika nani bara dakni nani kum kum Agar uplika wal asla takan kan nani ba sut ai mihta ra kauhan, kan war aiklabi kan piua ra witin nani Dawan ra makaban ai tâ baikbia dukiara, bara Dawan bui tâ baikan, witin nani Dawan ra kasak lukan ba mita.

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

2 Kronikas 18:31

Bara war waginka lalka nani bui Josafat ba kaikan ba ra, lukan kasak pali baha sika Israel kingka, bara kutbi brin witin mapara aidrubi wih aiklabaia dukiara. Bamna Josafat ai pura winan hilp makabi, bara Dawan bui tâ baikan. Gâd bui baha nani ba ai tnaya wina sakan,

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 91:5

Si bripara trabil nani tihmia ra aula ba, baha nani trisba kakna ra lulki ba sin apia,

Impakan Sturka 14:10

Israel luhpia nani ai dara walan, king fero bara Idsip uplika nani aikuki pat ai lamara aula kan ba. Witin nani sibrin pali daukan bara mahka Dawan ra ai pura sunan.

Kulki Kaikanka 10:9

“Tasbayam ra waihla nani mita mai warbia, bara war aiklabaia mampara taki balbia kaka, trumpit nani ba karna pali puhma, bara yang Dawan Gâdkam bal, man nani tâmwan aimakaia kupi kraukbia, bara waihla nani mihta wina swaki mai sakamna.

Jasua 6:16

Prîs nani ba 7 yua ba trumpit puhban, bara Jasua sin upla nani ra win: “¡Nanara man nani sin puram wins! Tawanka na Dawan bui man nani mihtam ra mangkan sa.

Jasua 8:20

Ai uplika nani ai ninara tawi kaikan ba ra Ai tawanka kiasmika ba kasbrika pura kat uli kan. Baha mita kutbi bri kan, plapi swakwaia yabalka kumi sin âpu kan. Jasua daknika witin nani sîa plapata ba baha nani sin kli ai ninara tawi balan, witin nani Ai mapara aiklabaia.