2 Kronikas 12:13 - DAWAN BÎLA AISKA

¹³ King Roboam ba ai karnika ba kau brin Jerusalem ra, bara ban king aimaki kan. Witin nan king aimakan ba ra pat 41 mani bri kan, bara witin 17 mani king aimakan Jerusalem ra, baha sika Dawan mita bâk sakan tawanka ba Israel kiamka nani bahara kaia dukiara. Roboam yaptika nina ba Naamá kan, Amón wina.

2 Kronikas 12:13 ပူးပေါင်းရင်းမြစ်များ

1 King Nani 11:1

Sakuna king Salaman king fero luhpia mairin ra latwan kaikan, ba wina tringsar mairin wala nani ra sin latwan kaikan: Moab, Amón, Edom, Sidón bara hitita mairka nani ra.

1 King Nani 11:36

Bara ai luhpia ra kiamka kumi yabamna, baku mika albiki Debit ba maiwanra piua bani ingni kumi kabia Jerusalem ra. Baha tawanka yang bui bâk sakri ba, nini bahara swiaia ba mata.

1 King Nani 14:21

Salaman luhpia Roboam ba Juda ra king aimaki kan, mani 41 bri kan ba ra. Witin Jerusalem ra 17 mani king aimakan, baha sika tawan kum Dawan mita bâk sakan tawanka ba, bahara witin ai nina bâra kaia. Roboam yaptika nina ba Naamá, Amón wina kata.

2 Kronikas 12:1

Roboam kingka lâka karna takan, bara witin ai dahra walan witin ba karna sa, bamna Gâd lâka wina tnaya ra tawan, Israel luhpia nani sut sin witin daukan baku daukan.

2 Kronikas 13:7

Bara witin ra asla takan kata, waitna sringwaskira nani, lukan saura bri nani ba, bara Roboam mapara buan, witinka Salaman luhpia ba, kan witin ba wahma kan bara lukanka swapni kan. Baha mita karnika âpu kan ai waihla nani mapara buaia.

2 Kronikas 6:5

‘Idsip wina upliki Israel luhpia nani sakri ba piua wina, tawan kumi sin bâk sakras kapri, Israel kiamka tila baha bui tempel kum bapka, yang nini ba bâra kabia dukiara. Upla sin wahbi sakras kapri, king luhpia kaia upliki Israel luhpia nani purara.

2 Kronikas 6:6

Sakuna Jerusalem ba bâk sakri, bahara yang nini ba bâra kaia, bara Debit ba bâk sakri Israel upliki nani ra tâ briaia.’

Nihimaya 13:1

Baha yua ra Moses lâka wauhkataya ba aisi kaikan tawan uplika nani wali kan ba ra. Bahara ulban kan, Amón uplika nani bara Moab uplika nani ba sip apia sa, Gâd uplika nani daknika ra kaia.

Nihimaya 13:26

“¡Naha pali saurka sika, Salaman, Israel kingka daukan ba! Bara witin yamni pali kan baku, tasba wala ra bara king wala witin wal baku ba âpu kan, bara Gâd bui witin ra latwan pali kaiki kan, bara Gâd mita sin Israel luhpia nani aiska purara king mangkan kata. Baku kan sakuna, plis wala mairka nani bui yaban saurka daukan.

Impakan Sturka 20:24

Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 23:3

“Amón uplika nani bara Moab uplika nani ba sip Dawan daknika ra dimbia apia, kiamka nani 10 lubia wina bara ningkara sin apia;