2 Kronikas 11:16 - DAWAN BÎLA AISKA

¹⁶ Ban sakuna, kasak pali Dawan ra ai kupia aiska ni plikaia luki nani ba, Dawan Israel Gâdka ra, Libait prîska nani lâka nina blikan; bara Jerusalem ra wih banhwan sakripais daukaia ai almukka nani Dawan Gâdka ra.

2 Kronikas 11:16 ပူးပေါင်းရင်းမြစ်များ

1 Kronikas 16:29

Dawan ra mayunra lâka yaia ba yas, man nani diara prisantka yaia dukia nani ba wal, witin mawanra bus. Dawan ra mayuni banhs witin ai pliska holikira ba ra.

1 Kronikas 22:1

Baha mita Debit win: “Nahara kabia, Dawan tempelka ba, aiska angki sakripaiska daukaia pliska wan Dawan ra yaia baha sut ba Israel dukia.”

1 Kronikas 22:19

Bamna nanara, Dawan wan Gâd ba wal prawaia wilin pali taki banhs. Baku bamna, watla ba paski banhs bahara lâ nani ba swiaia, Dawan lâka auhbaia watla daukan ba bakska ba, bara dîa dîa dukia wala nani sunu kulkan ba, Dawan watla raya paskaia wisna ba ra bri si swibia.”

2 Kronikas 11:17

Baku natka ra, Juda kingka ba karna daukan kata; bara Roboam Salaman luhpia ra tâ baikan mani yumhpa baman. Mani yumhpa baman nina blikata.

2 Kronikas 15:12

Baha ningkara pramis taki banhwan, kulkanka tara pali wal, ai kupia aiska wal Dawan ba plikaia, ai almukka nani Gâdka ba.

2 Kronikas 15:15

Juda aiska lilia takan, upla nani ai kupia aiska ni Dawan ra swer takan bamna, ai lukanka aiska kira Dawan ra plikan bamna, bara witin sin param takan bara kupia kumi lâka yan, ai lamara iwi tawanka nani ba wal.

2 Kronikas 15:9

Baha ningkara Juda bara Benjamín wâlsut asla daukan, bara sin tasba wala wina balan kan nani ba, Efraín, Manasés bara Simian tasbaya wina, kan Israel wina baha nani Asá ra tawi banhwan kata ba, kan kaikan Dawan ba witin wal kata.

2 Kronikas 19:3

Ban sakuna, diara yamni nani manis bâra sa tâm baikaia, kan Aserá lilka nani sut sauhki tikram tawan bilara kata ba, bara Dawan ra plikram.”

2 Kronikas 20:3

Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

2 Kronikas 20:4

bara Juda uplika nani ba asla takan witin nani Dawan ra hilp makabaia. Juda tawanka nani sut wina sin upla balan.

2 Kronikas 30:11

Ban sakuna, upla bâra kan Aser kiamka nani kum kum ba, Manasés bara Zabulón wina sin, Dawan mawanra bawan bara Jerusalem ra wan.

Job 34:14

Upla bani wina rayaka payaska ba sâkbia kaka,

Lawana Nani 108:1

Yang kupi ba ridi sa, Gâdka, yang kupi ba ridi sa, lawana aiwani maikaia. Sulki, yapisma ba wina rawi bus;

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Impakan Sturka 9:21

Ban sakuna, tila kum kum lika Dawan bui witin nani ra maisa pakan dauki ba bahki kulkan, bara ai daiwra, diara nani bri kan ba sut, ban latara swin.

Daniel 6:14

King naha walan ba ra sari pali takan, bara yabal plikan Daniel ba swaki sakaia, ban yu dimaia kat dîa sip ba kat trai munan,

Oseas 4:8

Upliki nani saura dauki ba lal mana wina, witin nani raya sa; baha mita witin nani brin daukisa, upliki nani ba kau saura dauki kabia.

Hageo 1:5

Karnika sut alki brisna Dawanka ba, yang mai wisna: ¡Man nani daukankam ba laki pain kaiks!

Sakaraya 8:21

Tawan kum uplika nani ba tawan wala uplika nani ra wabia: ‘¡Man nani, kaisa Dawan, karnika sut bri ba, plikaia waia, witin ra wan pura sunaia yamni wan munaia dukiara!’ Bara wala nani ba pana wibia: ‘¡Yang nani sin wamna!’

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

Jasua 22:19

Tasbayam maikan ba man nani mampara tâski sa kaka, Dawan tasbaya ra man nani bal, Dawan watla bâra ba pliska ra, yang nani tilira man nani tasba bris. Sakuna Dawan altarka kum pat paskan ba tnaya ra, kli altar wala kum paski Dawan mapara bara yang nani maipara sin bupara.