2 Kronikas 11:15 - DAWAN BÎLA AISKA

¹⁵ Jeroboam ba ai prîska nani mangkan kata, baha ba gâd nani tempelka nani ra, pirit saura ra pura sunaia, bara lilka nani paskan ra sin ai pura sunaia, upla ai mihta wal paskan ba.

2 Kronikas 11:15 ပူးပေါင်းရင်းမြစ်များ

1 King Nani 12:28

Bara aisinka kum daukan ba ningkara, king ba bui gul ni bîp lilka wâl daukan, bara upla nani ra win: “Man nani uya pali Jerusalem ra impaki wisma. Kaiks nâra sa man nani gâdkam nani ba, witin nani bui sika Idsip wina mai saki brih balan ba.”

1 King Nani 12:31

Idan nani ai pura sunaia watla nani sin mâkan, upla nani ba tila wina prîska nani sin mangkka, baha nani ba Libai daknika nani wina apia kan ba.

1 King Nani 13:33

Baha sut purkara, Jeroboam ai yabalka saura ba sip swiras kata, kau ban prîs nani mangki gâd bahki ra pura sunaia dukiara, witin yaura mangkaia lukan uplika ra, witin mita yaura yamni luki ba prîs nani mangki kan.

1 King Nani 14:9

Ban sakuna, man kainamra kan nani ba wal kau saura daukram; bara man kupi sauhkram, gâd bahki nani lilka paski daukram, bara yang na man ninamra ai lakram.

2 Kronikas 13:8

Bara nanara man nani Debit kiamka nani wark dauki bâk Dawan ai warkka dauki ba mapara buaia trai kaikisma, kan man nani kau ailal sma ba mita, bara Jeroboam sin gul ni bîp nani paski gâdkam nani maikan brisma ba mita.

2 Kronikas 13:9

¿Bara Eran kiamka Libait Dawan prîs nani ba sin man nani mita kangbram wan apia, bara man nani mita idan prîs nani ba mangkram apia aidul nisan wala nani dauki baku? ¡Ani uplika kabia bal bîp wainhka kum sîp 7 bri ai gâdka nani ba prîs mangki pura sunaia!

Impakan Sturka 32:31

Bamna Moses kli Dawan ra wan, bara naku win: —Rait pali naha uplika nani na saurka tara kum daukan sa, kan witin nani gul ni gâd kum paskan ba mita.

Oseas 13:2

¡Bara witin takaskras ban saura daukisa! Ai silbarka ba slilki aidul nani paski brisa, baha papaskra nani, nahki paskaia aitani luki ba kat paskisa. Paskan ba ningkara aisisa: “¡Man nani bui witin ra sakripais dauki yas!”, bara upla nani ba baha aidulka nani bîp baku paskan ba ra kiawalisa.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Kli Smalkanka 32:17

lasa nani ra sakripais dauki yaram, gâd bahki nani man nani kainara kaikras kapram ba ra; gâd raya balan, wihka apia ba, papikam nani ai rayaka aiska ra mayunra dauki yabras kan.

1 Timoti 4:1

Spirit ba latan wisa, piua tnata ra upla tila ba kasak lukan lâka wina tnaya ra tawbia; witin nani ba pirit kuninkira nani bîla wali daukbia, baha pirit kuninkira nani wina smalkanka nani bali ba.

Param Marikanka 16:14

Naha nani sika dibil nani piritka sain tara nani dauki kan ba. Piritka yumhpa ba mita tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara.