2 Kronikas 1:12 - DAWAN BÎLA AISKA

¹² maikisni sins lâka bara diara tânka kaikaia sinska nani; baha purkara yuya ailal maikamni, diara wala nani sin ailal, prana aiska ba sin bara kulkanka lâka sin, man kainamra king nani bâra kan ba sin briras kan ba, man ninamra aula nani ba sin bribia apia.”

2 Kronikas 1:12 ပူးပေါင်းရင်းမြစ်များ

1 King Nani 10:24

Upla nani ba brin dauki kan Salaman ra kaikaia, bara sinska lâka Gâd mita yan ba sin walaia.

1 Kronikas 29:12

Yuyakira lâka ba bara prana ba sut lika, man wina aula sa, man karnikam mununhtara aiska brisma, man mihtam ra sa, karnika bara sip lâka ba sin, man mihtam ra sa karnika lâka bara diara sut ra karnika yaia ba.

1 Kronikas 29:25

Bamna Dawan bui Israel luhpia nani mawanra, Salaman ba tara pali bukan kata, ai kingka lâka prana ba, witin ai kainara kau king wala nani ba briras kata.

2 Kronikas 9:22

Bara baku, king Salaman ba kau tara taki kan, king wala nani sut ba purkara, yuyaka mapa ra bara sins lâka mapa ra sin.

Nihimaya 13:26

“¡Naha pali saurka sika, Salaman, Israel kingka daukan ba! Bara witin yamni pali kan baku, tasba wala ra bara king wala witin wal baku ba âpu kan, bara Gâd bui witin ra latwan pali kaiki kan, bara Gâd mita sin Israel luhpia nani aiska purara king mangkan kata. Baku kan sakuna, plis wala mairka nani bui yaban saurka daukan.

Smasmalkra 2:9

Upla tara kum kapri bara diara ailal briri, Jerusalem ra king nani kanra bâra kan ba wal kau purkara diara nani briri. Baha purkara sins lâka ba ai lulki swiras kan.

Smasmalkra 5:19

Diara wala ba, baha nani sut ra Gâd mita kukanka bara yamnika yabi ba, karnika sin yabisa baha wina piaia bara diaia, witin ai dukia ba; baha sut ba Gâd prisantka sika.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Epesus 3:20

Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.