2 Korint 8:6 - DAWAN BÎLA AISKA

⁶ Bahamna, yang nani Taitus ra makabri, naha latwan lâka lalah sakaia warkka na man nani tilamra aiska pali daukbia, kainara pat witin daukata ba baku.

2 Korint 8:6 ပူးပေါင်းရင်းမြစ်များ

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.

Roman 15:25

Sakuna nanara pali yang lika Jerusalem ra auna, bara prisant kumi sin bri auna wan muihni nani bahara banhwi ba ra yaia.

2 Korint 12:18

Man nani mai kaikaia Taitus ra makabi blikri ba ra, wan muihni wala kum ba sin blikri. ¿Taitus mita kunin mai munan ki? ¿Kasak apia yang nani wâl ba sim sât tâinka briri, bara sim spiritka sin bri banhri?

2 Korint 2:13

Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.

2 Korint 8:10

Man nani painkam ba tâwan, yang brinki aiska ba naha dukia kat mangkuna. Mani luan piua wina man nani pain pali dauki kapram, bara baman apia, kuna daukaia kapram ba karnikam aiska ni daukram.

2 Korint 8:19

Baha baman apia, kuna serts nani mita wan muihni na sakan, yang nani aikuki impaki naha latwan lâka warkka na daukaia, bara naha warkka na pain dauki banhwisna, wan Dawan nina mayunaia dukiara bara marikaia nahki man nani wark pain wilin dauki nani sma ba.

2 Korint 8:23

Upla kumi Taitus dukiara makabi walbia kaka, wis witin na lika yang pâinika sa bara aikuki asla wark dadaukra nani banhwisna man nani dukiamra. Wan muihni wala wâl ba dukiara makabi walbia kaka, wis baha nani lika serts nani ba mita blikan sa, bara Kraist ra mayuni banhwisa.

2 Korint 8:4

Kasak pali sin yang nani ra makaban, witin nani ra sin sans yabamna wan muihni nani ra hilp blikaia.

2 Korint 9:5

Baha mita yang aitani lukri naha wan muihni nani ra makabaia man nani ra pas wih mai kaikaia, bara hilp mai munbia lalah yaia pramis munram ba sakaia. Baku lika man nani lalah sakram ba latwan lâka tânka baku ridi kabia, bara yang nani mita taibi mai munri tânka lika apia kabia.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.