2 Korint 8:3 - DAWAN BÎLA AISKA

³ Baha dukiara yang na witnis sna, witin nani ai kupia aiska ni dîa sip kan ba yan, bara dîa yaia sip kan ba purara kau sin yan.

2 Korint 8:3 ပူးပေါင်းရင်းမြစ်များ

1 Kronikas 29:9

Bamna upla nani ba lilia takan kan upla nani ailal ai kupia aiska ni diara yan bamna, upla nani ba Dawan ra ai prisantka yan. King Debit sin uya lilia takan.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Impakan Sturka 35:29

Israel waitnika bara mairka nani sut aitani lukan Dawan ra diara yabaia Moses ra win baku. Witin nani ai kupia param ni ai dukia wina mana luha Dawan ra brih balan.

Impakan Sturka 35:5

Man nani tilamra Dawan ra yabaia prisant kum dauks, ya baha yabaia luki ba ai kupia aiska ni brih balbia; gul, silbar, bras,

Mark 14:8

Naha mairka dîa daukaia sip kan ba kat daukan; kau wina, wîni tara na batana kîa ni yukan, tasba ra ai bikaia dukiara.

Apastil Nani Sturka 11:29

Bara lalukra nani Antíoco ra iwi ba sut wilin takan hilp kum blikaia, Judia ra wan muihni iwi banhwi ba nani ra, kumi bani sip kan ba kat.

Roman 10:2

Witin nani hilpka ra aisaia sip sna, witin nani Gâd warkka daukaia brinka ba tara pali brisa; ban sakuna, baha brinka ba sinska kasak ba kat ai tânka briras sa.

1 Korint 16:2

Wik bani yua pas pali ra, man nani kumi bani lalah wiria tnaya ra laki swiaia sma, dîa pura sakan ba praiska kat; bamna baha ba suni bri bas, bara baku mika yang balamna ba ra, man nani lalah plikaia apia kama.

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

Galesha 4:15

Baha liliaka bri nani katma ba, ¿nanara dîa takan ki? Man nani hilpkam ra ban sip kamna wiaia, baha ba sip kata kaka, namkra pali nani sin daiki aikaia wilin banhwi kaia kapram.

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

Kolosi 4:13

Epafras man nani dukiamra uya luki ba witniska lika yang sna, bara yang baman apia, sakuna Leodisia bara Hierápolis tawanka ra iwi banhwi ba sut dukiara sin.

1 Tesalonaika 2:8

Man nani ra uya latwan mai kaikisna ba mita, yang nani ridi kapri Gâd sturka yamni ba mai smalkaia bara rayaki nani pali sin yabaia. ¡Man nani ra uya latwan mai kaikri sa!

Pilimon 1:14

Man nahki lukisma sapa tânka walras kira, diara kumi sin daukan ai daukras, baku lika man hilp ai munisma ba, taiban lâka ra kabia apia, kuna kupiam lukra wina kabia.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Pita 5:2

Man nani mihtam ra Gâd sîpka nani mangkan ba, sepad nani baku main kaiki bas; bara wilin pali dauki bas, Gâd want ba baku, taibi mai muni baku lika apia. Wark ba lalah brin mai dauki pali baku lika daukpara, kuna upla dukia daukaia want pali baku dauks.