2 Korint 8:21 - DAWAN BÎLA AISKA

²¹ Bamna yang nani brin ai daukisa diara sut ba lâ kat pain daukaia, Dawan mawanra baman apia, sakuna upla nani mawanra sin.

2 Korint 8:21 ပူးပေါင်းရင်းမြစ်များ

1 King Nani 18:34

Baha ningkara win: —Sumi walhwal lî banhki daukbia, bara daiwan wîna aiska angkaia ba purara, bara sin pauta ba purara lî ba laikbia win. Bara kli win baku daukbia. Bara baku daukan, aima yumhpa baku daukan witin nani.

Sins Lâka 3:4

baku bamna, Dawan bara upla nakra ra kupia yamni lâka, aitani kulkan lâka sâkma.

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Matiu 6:1

“Aman kaiks, kasakkam lâka ba upla nani mawanra man nani daukpara mai kaikbia dukiara baman. Baku daukma kaka, kasbrika purara ba mita prisant kumi sin maikbia apia.

Matiu 6:4

Man yukuwi pali dauks, bamna diara yukuwi daukisma ba kaiki ba, prisantkam maikbia.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Roman 14:18

Ya naha natka ra Kraist dukia dauki ba, witin ra Gâd mita pain kaikisa bara upla nani mita sin.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 8:20

Baku brin wan daukisa, naha lalah sakaia na dukiara upla wan nina ra saura aisaia apia ba mata.

2 Korint 8:22

Witin nani ba wal, yang nani tili wina wan muihni wala kum sin blikisna, bara naha lika diara ailal mapa ra witin wilin ba tânka wan marikan, bara nanara lika man nani dukiamra sin uya pali lukisa.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 5:22

Man nani saurka sât sât wina tnaya ra taki banhs.

1 Timoti 3:7

Bara witin ra sin lalukra apia nani ba mita kulkan kaia sa, bara baku witin ba saura pali kulkan kabia apia, bara dibil mita mina alkaia dukia dauki ba ra kauhbiara sîa.

1 Timoti 5:14

Baha mita, yang want sna piarka nani kau almuk takras ba, marit takbia bara luhpa baikbia, ai watla nani main kaiki kabia, bara baku mika witin nani mita wan waihla nani ra wan ninara saura aisaia sanska yabaia apia dukiara.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

Rut 3:14

Bara Rut baha tihmia aiska Booz minakla kat yapi lalawan. Lalma kahbi kan kau puk ba ra witin buan, kan Booz bila win: “Upla kaikaia apia sa naha mairin insla ra balan kan ba.”