Kan witin nani lika yang swaki ai sakaia tâwan ai rayaka ba pât mihta ra mangkan; yang baman witin nani ra tingki wiras, sakuna Ju apia uplika nani Kraist daknika nani ba sut sin tingki wisa.
Bara yang balamna ra, ani uplika man nani mita bâk sâkma ba, baha nani mihta ra wauhkataya nani mangki yang bui Jerusalem ra blikamna, bara baku mika man nani prisantkam ba, wan muihni bahara nani ba ra, witin nani mita bri si yabia.
Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.
Nahki kabia kra, kumi bani Dawan dîa yaban ba kat iwi kaia sa, bara Gâd mita paiwan bara witin nahki kan ba kat. Serts nani sut ra yang naku adar yabisna.
Man nani mai kaikaia Taitus ra makabi blikri ba ra, wan muihni wala kum ba sin blikri. ¿Taitus mita kunin mai munan ki? ¿Kasak apia yang nani wâl ba sim sât tâinka briri, bara sim spiritka sin bri banhri?
Baha baman apia, kuna serts nani mita wan muihni na sakan, yang nani aikuki impaki naha latwan lâka warkka na daukaia, bara naha warkka na pain dauki banhwisna, wan Dawan nina mayunaia dukiara bara marikaia nahki man nani wark pain wilin dauki nani sma ba.