2 Korint 8:1 - DAWAN BÎLA AISKA

¹ Bamna nanara, muihki nani, Gâd kupia yamni lâka Macedonia tasbaya aiska ra, sertska nani ra marikan ba tânka mai win ai daukisa.

2 Korint 8:1 ပူးပေါင်းရင်းမြစ်များ

Matiu 25:22

Baha wina, alba lalah 2,000 brin ba balan, bara naku win: ‘Dawan, man mita 2,000 aikram. Kaiks, nâra kau 2,000 pura sakri na.’

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 16:9

Bahara Pal tihmia ra diara aihka latan kaikan, Macedonia waitnika kumi ai mina ra bûi witin ra makabi win: “Macedonia ra lui bal, hilp wan muns.”

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.

Roman 15:26

Kan Macedonia wina bara Acaya uplika nani sin lukan lalah sakaia, bara wan muihni umpira nani Jerusalem ra bâra banhwi ba nani ra blikaia.

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

2 Korint 11:9

Yang na man nani wal kapri piua diara luha pali katna; sakuna yang wirhiki upla ra yaras katna; kan Macedonia wina wan muihni nani balan ba mita dîa luha katna ba sut aikan. Baku sika yang trai munri, man nani mampara karban wirha kum baku mai taibaia apia, bara ban sin baku daukaia trai muni kamna.

2 Korint 9:12

Bamna naha hilpka wan muihni nani ra yabuya na lika, diara witin nani luha ba dukiara baman lika yawan yaras, sakuna witin nani mita sin Gâd ra tingki wibia baha tâka mita.

2 Korint 9:2

kan man nani kupiam wilin ba tânka param kaikisna. Baha dukiara kupi aiska ni Macedonia tasbaya aiska ra aisisna, nahki man nani Acaya uplika nani ba, mani luan wina ridi pali banhwisma hilp munaia; bara Macedonia uplika nani aihkika prais man nani ra mai kaiki karna taki buan.

2 Korint 9:4

Macedonia wina upla tila nani kra yang wal wabia ba ra, ban kra man nani kau ridi apia kama dukiara. Baha lika yang nani maipa ra uya swira lâka kabia, kan man nani kat wan kupia mangki luki ba mita, man nani mampa ra sin swira lâka kabia.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

1 Tesalonaika 4:10

Bamna man nani piu bani baku daukisma, wan muihni nani Macedonia aiska ra iwi nani ba sut aikuki. Sakuna muihki nani, yang nani mita mamkabisni baha latwanka lâka brisma ba, kau dauki kama.