2 Korint 7:8 - DAWAN BÎLA AISKA

⁸ Wauhkataya ulbatna ba sarkam paskri, kuna baha dukiara nanara sari lika ai daukras. Baha dukiara pat sari ai daukan sa kaka, yang kaikri wauhkataya ba mita piua prahni kum sarkam paskan.

2 Korint 7:8 ပူးပေါင်းရင်းမြစ်များ

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Jan 16:6

Kau ni naha daira nani mai wîri bamna, man nani sari sma.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

2 Korint 7:11

Sarka lâka man nani wauhram ba lika, Gâd pain kaikan ba tânka kat sa; ¡bara nanara dîa baha wina takan ba kaiks! Diara briaia dukiara kupiam wilin sakan, bara dîa dauki banhram ba dukiara sin tânka aisaia; baha mita kupiam sauhki banhwan bara sibrin sin mai dingkan. Kuna ningkara man nani ai kaikan mai daukan, bara ridi pali kapram ya saura daukan ba klala yaia. Naha diara sut na tilara, man nani latan marikram pâtkira mai kulkaia tânka âpu sa.

2 Korint 7:12

Baku bamna, baha wauhkataya ulbatna ba lika, saura daukan uplika ba dukiara baman, apia kaka klala brin uplika ba dukiara baman luki lika apia, sakuna man nani mita tânka brima, Gâd mawanra yang nani dukira kupiam nani trabilka nani brisma ba dukiara.

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Korint 7:7

bara witin balan ba baman apia, kuna man nani mita kasak tâ baikram ba Taitus wan win, nahki man nani brin mai daukisa wan kaikaia, bara sin wan win man nani sarkam lâka, bara yang dukira man kupiam trabil brisma ba; bara baha mita uya pali lilia ai daukan.

2 Korint 7:9

Sakuna nanara yang lilia sna, bara baha ba sari kapram ba dukiara lika apia, kuna baha sarka ba mita tânkam nani ba lakram bamna. Man nani sarkam ba wal ban kapram Gâd pain lukan ba kat, bamna yang nani pali man nani mai sauhkaia dukia kumi sin daukras.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.