2 Korint 7:6 - DAWAN BÎLA AISKA

⁶ Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Korint 7:6 ပူးပေါင်းရင်းမြစ်များ

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Jirimaya 31:13

Tiara nani ba dans pulan kabia liliakira, baku sin wahma nani bara dama nani sin. Yang maikamni maisa nihkra: inaia lâka ba lilia ra lakamni, lilia lâka kau tara kum yamna latwan bri ba wal.

Matiu 5:4

“Lilia pali sa sari bri banhwi nani ba, kan Gâd mita maisa nihkan kabia bamna.

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

Roman 15:5

Gâd sika wihka bîla kaikaia lâka bara maisa nihkan lâka wanki ba, bamna witin mita hilp mai munbia walkam wal sim baku baman luki kaia, Kraist Jisas tânka ba kat.

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.

2 Korint 7:14

Man nani dukiamra yang âiyapah sna ba Taitus ra wîri ba ra, sari lika ai daukras kan. Sakuna, diara nani man nani ra wi nani ba lika kasak sa, bara baku sin Taitus ra wi banhri dukia nani ba sut kasak kat takan, yang nani na man nani sut dukiamra âiyapah banhwisna.

2 Korint 7:7

bara witin balan ba baman apia, kuna man nani mita kasak tâ baikram ba Taitus wan win, nahki man nani brin mai daukisa wan kaikaia, bara sin wan win man nani sarkam lâka, bara yang dukira man kupiam trabil brisma ba; bara baha mita uya pali lilia ai daukan.

Pilipai 2:1

Baku bamna, Kraist mita man nani ra tâm baikisa kaka, witin latwanka lâka mita maisam nihkisa kaka, ai Spiritka ba sin man nani wal sa kaka, uplikam ra kupiam pihni brih bara latwan kaikisma ba pain daukisma kaka,

1 Tesalonaika 3:2

bara wan muihni Timoti ba man nani mai kaikaia blikri, kan witinka ba lika Gâd warkka dadaukra kum sa, bara yang nani aikuki Kraist sturka yamni ba aisi smalkaia warkka daukan. Witin ba bliki banhwisna wih mai kaikaia, man nani ba kau karna mai daukaia bara kasak lukankam lâka ba tâ baikaia sin,