2 Korint 7:15 - DAWAN BÎLA AISKA

¹⁵ Bara Taitus mita man nani ra kau uya pali latwan lukisa, kan dîa dîa witin makabi kan ba daukram, bara witin ba man nani tilamra briram bawikira bara sibrinkira.

2 Korint 7:15 ပူးပေါင်းရင်းမြစ်များ

Blasi Sturka 43:30

Josep witin kau sip ai kupia priski briras kan, alai inan daukan. Bamna plapi ai rumka ra wih diman, bara bahara ai durka praki ban ai bîla baikra saki inan.

1 King Nani 3:26

Bara tukta raya yaptika pali ba sari takan ai luhpia ba dukiara, bara king ra makaban: —¡Du pali! ¡Kingki tara, tukta raya ba ikpara! ¡Kau pain kabia naha mairka ra yama kaka! Sakuna mairka wala ba bila: —Apia, aitani sa baku daukan kaia, yang duki apia, man dukiam sin apia. ¡Klaki baiks!

Esdras 10:9

Bahamna Juda wina waitna nani ba sut, Benjamín wina sin sut aidrubi asla takan Jerusalem ra lapta yua 20, kati 9 alkan bilka ra, wibia kaka, yu yumhpa ra upla nani ba asla takan. Bara baku, witin nani sut Gâd watla latka ra asla iwi banhwan, baha pâtka ba dukiara luki banhwi kan, baha purkara lî sin auhi kan ba tâka mita witin nani tatatwi banhwi kan.

Esdras 9:4

Baha nani Israel Gâdka klalka sibrinka bri nani ba, upla nani kangbi sakan kan kli tawi balan nani ai saurka daukan ba tâka mita, witin nani ba yang ra balan, sakuna yang kupi wirha ban kan, sakripais daukaia piua ba kat.

Job 21:6

Yang pali mita baha dukiara lukuna ba ra, tâ iwan takisna; wîni tara ba ban tatatwisa.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 2:11

Man nani bui Dawan ra liliakira mayuni banhs, bawikira lâka ni, tatatwi ai mawanra lulam kriks,

Yamni Kulki Lawana 5:4

Laitwankira waitna, ai mihta kum dur prakaika unta lupia bâk dingkan, ¡bara baha mita kupi ba turban kan!

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Oseas 13:1

Efraín uplika nani sturi aisi ba ra, Israel masraka wala nani ba mita kulkanka yabi ba tânka mariki kan; sakuna Efraín pruan witin pâtkira takan kan Baal ra mayunan tâka.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

Apastil Nani Sturka 16:29

Bara silak watla main kakaira ba lamp kum makabi, witin ban plapi diman, sibrin mita ai wîna sut tatatwi kan, bamna Pal bara Silas wal mina kat kauhan.

1 Korint 2:3

Man nani tilamra balri piua, yang swapni kapri bara sibrin mita sin tatatwi katna;

2 Korint 2:9

Naha diara na tânka pat mai ulbri kata, bara baha lika man nani ba, yang smalkanki kat ban kaia banhwisma sapa tânkam pliki kaikisna.

2 Korint 6:12

Yang nani kupi ba praki briras sna man nani tani; man nani mita sika yang nani tani kupiam praki bri banhwisma ba.

Epesus 6:5

Bara alba nani, man nani naha tasba ra dawankam nani ra bîla wali dauki bas, kulki sin bas, kunin âpu kira dawankam ra sibrin luks, sim wark kum Kraist dukia kan daukisma ba baku.

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

2 Tesalonaika 3:14

Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?