2 Korint 7:10 - DAWAN BÎLA AISKA

¹⁰ Bahamna sarka lâka kum Gâd mita pain kaiki ba tânka kat sa kaka, baha lika kupia lakan ba tânka kum swaki sakan lâka wina aula ba; bara baha mita sari kaia apia sa. Sakuna sarka lâka kum naha tasba wina sa kaka, baha lika prura paskisa.

2 Korint 7:10 ပူးပေါင်းရင်းမြစ်များ

Blasi Sturka 30:1

Raquel kaikan witin sip Jekob luhpia baikras kan, bara ai muihni Lea ra tuman lâka brin bara Jekob ra aisi kan: —Yang ra sin luhpi nani aik, apia kaka pruamna.

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

2 Samuil 13:4

Yu kum Jonadab witin ra wan bara makabi walan: —King luhpia, ¿man dîa trabil brisma? Mai kaikisna yu bani man kau siknis takisma. ¿Tânkam ba ai wiaia apia ki? Amnón witin ra win: —Muihki Absalón lakrika Tamar ra yang latwan kaikisna.

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

1 King Nani 21:4

Bara Ahab ai watla ra wan, sari bara ai kupia baiwan pali kira, Nabot Jezreel wina ba bui bîla nani aisi win ba wali, baha lika ai aisika nani prapatika ba sip yabia apia win ba. Bara ai watla ra wih krikrika ra aitnikan, ai mawan ba utla tnaya tani ra laki, bara plun sin piras kan.

Lawana Nani 38:18

¡Saurki nani ba daihra sakisna; baha dukiara lukan man, kupi sarka man tnata âpu!

Sins Lâka 15:13

Wan kupia liliaka mita wan mawan lilia sakisa; kupia lukra siknis ba, mawan ba, sari sa.

Sins Lâka 15:15

Ya mapara sari lâka ra sma ba, yu bani ba saura sa; ya mapara ai âuyapah bri ba, liliaka kum piua bani ra kabia.

Sins Lâka 17:22

Wan kupia liliakira ba sîka pain pali sa; kuna wan spiritka kriwan ba wan karnika tiwisa.

Sins Lâka 18:14

Upla siknis swapan ba ai lukanka mita tâ baikuya; ¿sakuna lukanka kriwan ba ya mita buki twilkbia ki?

Smasmalkra 7:3

Kau yamni sa inaia, kikaia ba wal, sip sa upla mawanra saura baku kaikaia, sakuna kupia ra lika yamnika yabisa.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Jona 3:10

Ninibi uplika nani dîa dauki ba Gâd kaikan, nahki witin nani ai tânka saura swin ba; bara witin ai kupia wal lâ daukan bara saura munaia wisata ba kli swin.

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Jona 4:9

Sakuna Gâd pana witin ra aisin: —¿Man aitani lukisma ki naha pispiska pruan ba dukiara kupiam baikaia? —¡Âu, yang aitani lukisna! —Jona pana win—. ¡Yang pruamna kat sin aitani lukisna!

Matiu 26:75

Bâra mika Jisas win ba ai kupia tanh krawan: ‘Kau kalila aiwanras kaka, aima yumhpa yang ra ai kaikras wima.’ Bara Pita baha wina taki, sari pali inan.

Luk 15:10

Yang mai wisni, baha sim natka ra, Gâd insalka nani ba lilia sa upla saurakira kum ai kupia lakuya ba ra.”

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Apastil Nani Sturka 11:18

Bara wan muihni nani Jerusalem ra nani ba naha sturka walan ba ra, mapara aisi kata ba sâp takan, Gâd ra ni mayuni, naku win: —Baku sa kaka, Gâd mita Ju apia nani ra sin sans yaban ai kupia lakaia, bara raya ban kaia lâka briaia.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

2 Korint 7:9

Sakuna nanara yang lilia sna, bara baha ba sari kapram ba dukiara lika apia, kuna baha sarka ba mita tânkam nani ba lakram bamna. Man nani sarkam ba wal ban kapram Gâd pain lukan ba kat, bamna yang nani pali man nani mai sauhkaia dukia kumi sin daukras.

Hibru Nani 12:17

Bara man nani pain kaikisma, baha ningkara Isau ai aisika wina yamnika ba want takan ba ra, ai ninara kli lakan kata; bara witin kasak inan sakuna, diara daukan ba lakaia tânka sip pliki sakras kan.

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,