2 Korint 6:8 - DAWAN BÎLA AISKA

⁸ Piua kum kum ra yang nani mayunaia lâka brisna ba ra, sam piua nina sauhkan lâka; piua wala yang nani dukira pain aisisa bara tila piua saura aisisa. Piua kum kum kuninkira nani wan kulkisa, bara sam piua ra diara kasak ba aisasara nani wan kulkisa.

2 Korint 6:8 ပူးပေါင်းရင်းမြစ်များ

Matiu 10:25

Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Matiu 27:63

bara witin ra naku win: —Wihtki, yang nani kupi krawisna baha kuninkirka ba kau raya kan piua witin aisin, yu yumhpa ningkara pruan wina kli bubia.

Mark 12:14

Baha nani bal witin ra win: —Smasmalkra, yang nani kaikisna man lika diara kasak ba kat aisisma, upla dîa aisi ba man kulkras, kan man upla nani mawan ba kulkras, sakuna Gâd yabalka ba kasak tânka kat smalkisma. ¿Rom wihtka tara ra lal mana aibapaia ba lâ sa ki, apia kaka, lâ apia? ¿Yang nani lal mana aibapaia sna, apia kaka aibapaia apia sna ki?

Jan 7:12

Upla nani ba tilara manis Jisas dukiara aisi kan. Tila nani bila: “Baha ba waitna pain kum sa”; kuna wala nani bila: “Baha ba upla pain apia sa, kan upla ra kunin munisa.”

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 16:39

Wihta nani wan, bara Pal bara Silas wal ra makaban ai pâtka nani ba swih tikbia, bara saki muni ban sin makaban tawan ba wina mahka taki wabia.

Apastil Nani Sturka 22:12

“Bahara waitna kum bâra kan, nina ba Ananías, Moses lâka bîla wali dadaukra pali kan, bara Damaskus ra Ju nani iwi ba witin dukiara pain baman aisi kan.

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Apastil Nani Sturka 4:21

Bara aidrubanka wihtka nani ba mita karna pali smalki mahka pri swin, witin nani mita nahki pât dingkaia sapa tânka sip sakras kan bamna, kan upla nani sut Gâd ra mayuni kata diara takan ba dukiara.

Apastil Nani Sturka 5:13

Witin nani ai tilara upla wala kumi sin bal dimras kan, ban sakuna upla nani sut mita yamni kulki kan.

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

Roman 3:8

Bamna baku kaka, ¿dîa muni wiras, saura ba daukbia, diara yamni ba balbia dukiara? Upla kum kum lukan saura brih aisisa, baku pali yang nani mita smalkisna; sakuna baha sât uplika nani ba pât ra dingkan kaia aitani sa.

2 Korint 1:18

Bamna Gâd lika witnis sa, yang nani bui man nani ra mai wiras sna “daukamni” bara “daukamna apia.”

2 Korint 11:21

Swiri uya brisni naha mai wiaia kuna, ¡kau yang nani uya pali swapni nani katna baha daukaia! Sakuna upla bisniska dadimra nani ba baku, yang sin tilamku dimuna, upla tanis aisi baku sna kuna.

2 Korint 12:16

Apia, yang lika man nani puramra karban wirha kum baku apia katna. Ban sakuna, upla tila aisi banhwisa yang namna âiya mâira sna bamna man nani minam ba alkaika kum ra wilkri.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

1 Tesalonaika 2:3

Kan yang nani dîa aisi mai smalki katna ba lika swakwanka âpu kan; bara tâski lâka wal aisi smalkras katna, upla ra sin baha ni kunin munaia lukras kapri.

1 Timoti 3:7

Bara witin ra sin lalukra apia nani ba mita kulkan kaia sa, bara baku witin ba saura pali kulkan kabia apia, bara dibil mita mina alkaia dukia dauki ba ra kauhbiara sîa.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

Hibru Nani 13:13

Baku bamna, yawan kiamp lata tani ra taki Jisas ra wap, bara witin ra bahki kulkan ba sin wal aikuki twilkpi.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.

3 Jan 1:12

Upla sut Demetrio dukiara pain baman aisisa, bara diara kasak ba sin, witin dukiara pain aisisa. Bamna yang nani sin baha witniska nani sna, bara man nani pain nu sma, yang nani lika diara kasak ba dukia nani sna ba.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.