2 Kan witin Ulbanka ra naku wisa: “Piua pain pali kum ra yang mai walri; swaki sakan lâka yua ra hilp mai munri.” Bara nanara sika piua pain pali ba, bara nanara sika swaki sakan lâka yua.
Sakuna yang, Dawan, man ra winisna. Gâdki, ¡nanara hilp ai muns! ¡Latwan lâka tara brisma ba, pana yang ra aisas! Man hilpkam ban brisna ba mita swaki ai sâks.
Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.
‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.
Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.
Baha mita, Gâd ba yu wala kum saki marikisa: baha sika “naiwa yua” wi ba. Kan Gâd bui Debit ra aisan ba bâk, kli mani ailal ningkara yawan ra wan aisisa, pat Ulbanka wina aisisata ba baku: “Naiwa, man nani bui Gâd bîla baikra ba walma kaka, kupiam nani karna daukpara.”