2 Korint 6:15 - DAWAN BÎLA AISKA

¹⁵ ¿Nahki Kraist wih Sitan wal asla kabia? ¿Nahki lalukra kum sip lukras uplika kum wal asla kabia ki?

2 Korint 6:15 ပူးပေါင်းရင်းမြစ်များ

1 King Nani 18:21

Bara Ilayas upla nani ba lamara wih win: —¿Ahkia kat man nani ba lukankam wâl brisma ba swiaisma? Dawan ba Gâd sa, ai nina blîks, bara Baal ba gâd sa kaka, witin ninara was. Bara upla nani pana diara aisaras kan.

Esdras 4:3

Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Mark 16:16

Ya kasak lukbia ba, tahbi daukan kabia, witin lika swaki sakan kabia; sakuna ya kasak lukras kaka, witin pât ra lulkan kabia.

Apastil Nani Sturka 5:14

Upla Dawan ra kasak lukan ba kau ailal takan, waitna nani bara mairin nani sin.

Apastil Nani Sturka 8:20

Pita bila: —Man lalahkam ba wal pât kat wama, Gâd mita yabi dukia ba lalah ni atkaia lukisma bamna.

1 Korint 6:6

¿Aitani sa ki, muihni kum ai walka wal unsaban bri ba, wihta idan nani ba mawanra wih yaka ai lâka ba daukbia?

1 Timoti 5:8

Kan upla kum ai taika nani ra main kaikras sa kaka, bara kau pali ai watla uplika nani ra lukras sa kaka, witin ba kasak lukan lâka ba kulkras sa, bara kasak lukras uplika wal, witin ba kau saura sa.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

Wihta Nani 19:22

Witin nani bâra ai kupia kumi ai âuyapah pali kan, bara waitna saura nani kulki tawan ba wina balan, dama watla ba kutban bara mahka watla durka ba prukan, bara dama ra win: —¡Baha waitnika nani mai kaikaia wamtla ra balan ba, latara sâks! ¡Yang nani witin wal yapaisna!

Wihta Nani 20:13

Bamna baha uplika nani Guibeá ra saura dadaukra nani ba, yang nani mihti ra mangks, witin nani ba ikamna, bara baku Israel luhpia nani watawika lâka ba wina klin sakan kabia.” Sakuna Benjamín kiamka nani ba ai taya Israel luhpia wala nani aisin bîla ba wali alki daukras kan,

1 Samuil 2:12

Elí luhpia nani ba watawikira nani kan, witin nani Dawan dukiara lukras kan,