2 Korint 5:20 - DAWAN BÎLA AISKA

²⁰ Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 5:20 ပူးပေါင်းရင်းမြစ်များ

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 Kronikas 36:15

Dawan, ai almukka nani Gâdka ba, piu manis ra maisa paki bliki kan ai sturka twilki uplika nani ba wal, kan witin ai tawanka ra latwan kaiki kan, baha pliska witin nani ai iwaika kan ba.

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Job 22:21

Kli mahka pali Gâd wal kupia kumi taks, baku lika kli kainamra yamni impakma.

Job 33:23

Ban kra witin ba lamara insal kum sa tausin nani bâra ba wina, witin ai tâwan aisaia kumi bâra sa, wapnika lâka bri ba dahra ba wibia.

Job 33:6

Gâd mawanra, yang bara man wal ba kumi sa, yang na sin slaubla ni ai paskan sa.

Sins Lâka 13:17

Saki blikan uplika watawikira ba lika swira lâka baman twilkisa, sakuna saki blikan uplika kasakkira ba wan rakaika brih aula.

Aiseya 27:5

Man brin mai daukisa kaka, yang mita kan kahbamna, yang wal kupia kumi lâka dauks.”

Jirimaya 38:20

Jirimaya pana witin ra win: —Sakuna king ba baha nani mihta ra kauhbia apia. King, pliskam, Dawan aisi bîla ba, man wali dauks, yang bui man ra mai wîri ba, man ra baku yamni takbia man pruras raya kama.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 14:23

Bara dawanka ba ai albika ra win: ‘Taki was kuntri yabalka nani ra, yabal sirpi nani ra sin, bara baha nani ra taibi muns bal dimaia, yang waitla na banhki kaia dukiara.

Jan 20:21

Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

2 Korint 12:10

Baha ba mita swapnika lâka nani wal lilia sna, swira paskan lâka nani, dîa dîa want kaia, rausauhkan lâka nani Kraist tâwan trabil nani brisna ba sin. Kan ani piua kau swapni sna kaka, kau karna sna baku daira walisna.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 5:11

Yawan tânka brisa Dawan ra kulkaia ba dîa, baha mita yawan bui upla nani kupia lakaia trai kaikisa. Gâd lika pat yang nani tâinka pain kaikisa, baku bamna brin wan daukisa man nani mita sin baku wan kaiki kama.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Epesus 6:20

Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

Kolosi 1:20

Bara Kraist ba mita, naha tasba aiska na, witin wal kupia kumi lâka daukaia, bamna Kraist dus prihni ra pruan ai tâlia laikan ba mita diara nani tasba ra ba, bara kasbrika purara ba sut kupia kumi daukan.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.