2 Korint 4:9 - DAWAN BÎLA AISKA

⁹ Wan nina bliki rau wan sauhkisa, kuna wan lulki lika swiras; tasba ra wan batakisa, sakuna wan sauhki lika tikras.

2 Korint 4:9 ပူးပေါင်းရင်းမြစ်များ

Job 22:29

Kan Gâd lika pura luan dauki ba mâyara batakisa, bara bawikira ba swaki sakisa.

Lawana Nani 129:2

aima ailal trabil nani bâk luri, yang wahma kapri wina, ban sakuna witin nani sip puri luras kan.

Lawana Nani 22:1

Yang Gâdki, ¿dîa kan ai lulki ai swiram ki? ¿Man dîa muni swaki ai sakaia balras sma? ¿Dîa muni man, yang inanki nani ba walras sma?

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Lawana Nani 42:11

¿Dîa muni kupi lukanka ba swapni takbia? ¿Dîa muni ban diara luki kaiki kaia sna? Dawan ra bîli kaikanka brisna, witinka ra sin kau ban mayuni kamna ba. ¡Witin baman yang Gâdki, yang Sasakriki sa!

Lawana Nani 42:5

¿Dîa muni yang ban sari kaia sna? ¿Dîa muni ban diara luki kaiki kaia sna? Bîli kaikanka ba Dawan ra yang brisni, witinka ra kau ban mayuni kamna ba. ¡Witin baman yang Dawanki, yang Sasakriki sa!

Lawana Nani 9:10

Dawan, man mai kakaira nani ba, man ra kasak lukisa, mai pliki uplika nani ra, lulki swiras sma.

Sins Lâka 24:16

kan upla kasakkira ba aima 7 kauhan kaka kuna kli aima wala buaia sip sa; kuna watawikira nani trabil ra kauhi ba kau rungwan kabia.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Miqueas 7:8

Nisan nani sut waihli nani sma ba, man nani laiwaska kikpara yang kauhri ba dukiara, kan yang kli buamna; yang kra tihmia tara tilara iwisna, ban sakuna, Dawan ba yang ingniki kabia.

Abakuk 3:17

Kwah damni dusa ba ai mâ sakras kabia kra, wain dusa nani ba, oliv dusa nani ba sin ai mâ sakras kabia kra, insla nani ba sin mâ sakras kabia kra, sîp daknika nani ba sin sut âpu takbia kra, sîp watla nani ra sîp âpu kra kabia sin,

Jan 15:20

Bamna dîa mai wîri ba dukiara kupiam krauki bas: ‘Alba kumi sin âpu sa, witin ai dawanka wal kau tara ba.’ Yang pali nini bliki rau ai sauhkan sa kaka, man nani ra sin ninam bliki rau mai sauhkan kabia; bara witin nani bui yang smalkanki bîla ba alki brin kaka, man nani smalkankam bîla ba sin alki bribia.

Roman 8:35

¿Bamna ya mita sip sa ki Kraist latwanka lâka ba wina wan dakbi sakaia? ¿Baha daukaia sip kabia ki pât wahwan ba, ban kra trabil nani ba mita, apia kaka rausauhkan lâka ba mita, plun wahwaia ba mita, kwala âpu kaia ba mita, pât wan lamara ba mita, prura mita kra?

2 Korint 7:6

Sakuna Gâd, witinka swapnikira nani ra karnakira saki ba karna wan sakan, Taitus balan ba ra;

2 Timoti 3:12

Bamna kasak pali sa, ani uplika nani Kraist Jisas wal asla holikira iwaia want lukisa kaka, witin nani ba nina bliki rausauhkan kabia;

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”