2 Korint 4:7 - DAWAN BÎLA AISKA

⁷ Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

2 Korint 4:7 ပူးပေါင်းရင်းမြစ်များ

Job 10:9

¿Kupiam kraukisma ki slaubla ni ai paskatma ba, bara nanara kli tasba yamhpuska ra ai lakaisma ba?

Job 33:6

Gâd mawanra, yang bara man wal ba kumi sa, yang na sin slaubla ni ai paskan sa.

Job 4:19

¡bara upla lika kau swapnikira sa, utla kum slaubla ni, auhya ra paskan ba baku sa; tuyukbaia sip sa, itikmuk kum ra tuyukbi baku!

Inanka Nani 4:2

Saion pranakira ba ai kulkanka ba gul wal ai mana kata ba, nanara slaubla dakawa baku kulkisa, sumi dadaukra kum mita warkka ba daukan.

Matiu 13:44

“Gâd king aimaki lâka ba tasba kum ra diara manira yukukan ba baku sa. Baha ba upla kum sakisa, bara baha sim tasbaya ra yukukisa. Ai lilia bamna, ai dukia nani bri ba sut wauhi atki muni, baha tasbaya atkisa.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

1 Korint 1:28

Tasba uplika nani mita mâyara kulki nani bara bahki kulki nani ba sin, Gâd mita bâk sakan sa; tânka ba lika, diara apia nani ba, tara nani ba sauhki tikaia dukiara.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 13:4

Kasak pali witin ba swapnikira kum baku dus prihni ra saban, sakuna Gâd karnika ba mita ban kaia ra raya sa. Baku bamna yang nani sin witin wal asla swapnikira sna, kuna yang nani witin wal asla kamna kaka, Gâd karnika ra yang nani raya kamna man nani dukiam daukaia dukiara.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

Epesus 2:5

bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 2:12

Bara man nani sut tahbi mai daukan ba ra, Kraist wal raiti ra mai bikan kan, baku sin witin wal kli pruan wina mai bukan, kan man nani kasak lukram, Gâd karnika mita Kraist ba pruan nani tila wina kli bukan.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

1 Tesalonaika 1:5

Kan yang nani mita swaki sakan sturka yamni ba mai smalkri ba ra, bîla nani wal baman apia kata, sakuna Spirit Holikira karnika wal bara kasak lukanka aihwa ni sin, naha sturka na kasak pali sa. Man nani pain kaikisma nahki tilamra iwi kapri ba, baha ba painkam dukiara kata.

1 Tesalonaika 4:4

Man nani waitna nani, kumi bani mayam ba sunu lâka ra bri kaia sma, bara yamni sin kulki kaia,

2 Timoti 2:20

Utla tara kum bilara diara nani sât sât bâra sa: tila nani ba gul bara silbar, wala nani lika dus ni bara slaubla ni paskan; tila nani ba piua tara nani dukiara baman, bara wala nani lika yu bahki nani dukiara.

Wihta Nani 7:2

Bara Dawan bui Gedeón ra win: “Man ba upla dakni tara pali yang ra brih aulma, bara Israel luhpia nani lukbia uplika nani ba witin nani ai mihta ra mangkri kan aiklabi pura luan ba ra, witin nani lukbia ai karnika ni aiklabi Madián uplika nani ba pura luan, bara maiwanra witin nani aimayunbia.