2 Korint 4:15 - DAWAN BÎLA AISKA

¹⁵ Naha diara nani sut na baku takan sa, man nani hilpkam kaia ba mata, baha mita upla manis Gâd wina yamnika bri nani ba, baha wina manis mita sin tingki wibia, Gâd prana daukaia dukiara.

2 Korint 4:15 ပူးပေါင်းရင်းမြစ်များ

Lawana Nani 50:14

¡Tingki wiaia lâka ba, Gâd ra prisantka yas; Laih Purara ba ra pain kulkan yaia pramiskam ba yas!

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

1 Korint 9:19

Upla kumi sin albika apia sna sakuna, upla sut albika takri sa, upla kau ailal Kraist ra bri balaia dukiara.

2 Korint 1:11

man nani sin puram sunra bâk hilp wan muni kama kaka. Bara upla manis pura sunra bâk hilp wan munbia kaka, Gâd ai kupia yamni lâka wanki ba dukiara upla manis tingki wibia.

2 Korint 8:19

Baha baman apia, kuna serts nani mita wan muihni na sakan, yang nani aikuki impaki naha latwan lâka warkka na daukaia, bara naha warkka na pain dauki banhwisna, wan Dawan nina mayunaia dukiara bara marikaia nahki man nani wark pain wilin dauki nani sma ba.

Galesha 1:24

Bara yang dukira Gâd ra mayuni banhwi kan.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

1 Timoti 1:14

Baha mita, wan Dawan ai kupia yamnika lâka uya bri ba ni yang ra ai banhkan, bara kasak lukan lâka, latwan lâka yawan Kraist Jisas wal asla ba, baha sin Dawan mita yang ra aikan.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.