2 Korint 4:10 - DAWAN BÎLA AISKA

¹⁰ Ani anira yang nani auna ba, Jisas ikan ba tânka piua bani wîni ra brih auna, yang nani pali ra sin Jisas rayaka tânka ba mairikan kaia dukiara;

2 Korint 4:10 ပူးပေါင်းရင်းမြစ်များ

Jan 14:19

Kau piua wiria ba ra, upla nani mita ai kaikbia apia, sakuna man nani lika ai kaikma bara raya kama, kan yang raya sna bamna.

Roman 6:5

Kan yawan Kraist wal asla taki ai pruanka ba kat pruan sa kaka, yawan lika witin wal baku ai pruanka ra asla kabia.

Roman 6:8

Yawan na pat Kraist wal pruan sa kaka, kasak luki kaia yawan lika witin wal baku raya kabia,

Roman 8:36

Ulbanka ra naku aisisa: “Man nani tâmwan yu aiska pali prura mihta ra ai mangkan sa; sîp nani ra ikaia watla ra brih auya ba baku.”

2 Korint 1:5

Kraist pât tara wahwan ba baku yawan sin pât nani wahwisa, bahamna Kraist ba mita sin yawan maisa nihkra tara kum brisa.

2 Korint 1:9

Daira sin wali banhri, prura mihta ra yang nani na ai mangkan sa. Sakuna naha diara nani hilp wan munan, kau Gâd ra lukaia lâka briaia, baha mita yang nani wîni kat lukaia apia, kuna Gâd ra mika, witinka mita pruan nani kli buki ba.

2 Korint 13:4

Kasak pali witin ba swapnikira kum baku dus prihni ra saban, sakuna Gâd karnika ba mita ban kaia ra raya sa. Baku bamna yang nani sin witin wal asla swapnikira sna, kuna yang nani witin wal asla kamna kaka, Gâd karnika ra yang nani raya kamna man nani dukiam daukaia dukiara.

2 Korint 4:11

bamna yang nani kau raya sna na piua ra, yu bani Jisas tâwan pruaia ai saki ai swin sa, baku lika yang nani upla pruikira sna na wîni ra Jisas rayaka ba marikaia dukiara.

Galesha 6:17

Bara nanara wina brin ai daukras upla trabil ai munaia; mark nani wîni ra brisna ba mita marikisa, yang na Dawan Jisas napakanka sna.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

2 Timoti 2:11

Naha aisanka na lika kasak pali sa: Yawan lika witin wal pruan sa kaka, witin wal sin yawan raya iwbia;

1 Pita 4:13

Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.

Param Marikanka 1:17

Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.