Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korint 3:6 - DAWAN BÎLA AISKA

6 Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

အခန်းကိုကြည့်ပါ။ ကော်ပီ




2 Korint 3:6
45 ပူးပေါင်းရင်းမြစ်များ  

Dawan ba kasak aisisa: “Yua kum balbia bara yang daukamni lâ raya Israel bara Juda wal ra;


Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.


kan naha sika yang tâilia, naha mita sika lâ daukan ba karnika yabi ba, bara upla ailal saurka swih tikaia dukiara laiwan sa.


Bara witin nani ra win: —Naha na yang tâilia sa, lâ daukan ba, bara upla ailal dukiara laikan sa.


Kâp ba wal sin baku daukan plun pin ningkara, bara naku wisata: —Naha kapka na sika lâ raya daukan ba yang tâilia mita, bara sut dukiamra laiwi ba.


Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.


Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.


Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.


kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.


Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.


Ulbanka ra aisi ba baku: “Man ba nisan ailal aisika mai daukri.” Bamna baha Gâd ra sika Ebraham kasak lukan ba, pruan nani ra rayaka yabi Gâdka ba bara diara kau âpu ba sin yan bal taki ba.


Sakuna nanara lika lâ mita ai karnika mununhtara wan bri kan ba mapara yawan pruan taki banhwan, bara baku mika rayaka raya tânka ba ni Gâd dukia daukaia yawan pri sika Spirit mita yabal raya wankan bâk, lâ almuk ulban ba karnika mununhta wina lika apia.


Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.


Baku sin, pata tara ba pin ningkara, kâp ba ai mihta ra brin, bara wisata: “Naha kapka sika lâ raya daukan sa, yang tâilia ni. Aima bani man nani disma ba ra, yang ra luki dauki bas.”


Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani; ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba.


Baku bamna, Ulbanka ra wisa: “Pas upla Adam ba, rayaka bri uplika kum kata”; sakuna Adam wala ba lika rayaka yabi spiritka sa.


Gâd mita sins aikan ba kat, yang lika utla papaskra wihta baku sna bara playa bapanka ba mangkri, bara upla wala baha purara paskisa. Sakuna kumi bani aman kaikaia sa, witin nahki baha purara paskisa sapa.


Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:


¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.


Sakuna witin nani sip tânka briras kata. Bara naiwa kat baha tânka sip briras sa, lâ almuk wauhkataya aisi kaiki banhwi ba ra, baha sim mawan prakaia kwalka ba sakras ban bâra sa bamna; baha kwalka ba sip sa sakaia Kraist mita baman.


Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.


Bamna Moses lâka na lika walpa tanhta ra ulbi mangkan kan, bara Moses ai mawan ba ingni pali kan balan ba ra, Israel luhpia nani mita sip witin mawan kaikras kan, ai mawan ba ingni kan bamna. Sakuna baha ingnika ba tawa tawa tiwi kan. Kuna baha lâka mita upla pruaia pâtka mihta ra mangki ba lika, pranakira pali balan kaka,


Baha tânka ba lika, pruaia pâtka ra wan dingki kan lâka ba pranakira pali kan kaka, ¡Gâd mita kasakkira wan kulki smalkanka ba kau pranakira kulkan kaia sa apia!


¿Bamna naha tânka na mita, Moses lâka ba Gâd pramiska nani ba mapara sa wisa ki? ¡Apia pali! Kan lâ kum yan ba upla nani ra raya kaia lâka yabi kata kaka, lâ dîa wi ba kat dauki mita Gâd pain kaikaia kan.


Blasi man nani watawika lâka tâka saurka lâka tilara pruram katma.


bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.


Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat.


‘Naha lâka nani ya kulkras kabia ba, lahtuban kabia, trai kaikras kabia sin.’ Bara upla sut wibia: ‘Baku kabia.’


Naha smalkanka nani na wan muihni nani ra smalkisma kaka, man ba lika Jisas Kraist napakanka pain kama, bara kasak lukan lâka bîla nani ba wal bara baha smalkanka pain nina blikram ba mita sin, man sulkam pata pima.


Gâd mita ai mangkan, naha swaki sakan lâka sturka yamni na aisi smalkaia; bara apastil baku ai blikan, Ju apia nani ra smalkamna dukiara.


Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.


Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.


Baha mita, Jisas bui sika lâ daukan wala kum dauki raitka yabi ba.


Lâ raya kum dukiara aisisa ba ra, Gâd bui pas lâka kata ba almuk daukan sa; bara dîa dîa patitara wina bâra ba bara mahka almuk sin taki ba, naika mapa lap tiwbia.


Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.


Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ