2 Korint 3:4 - DAWAN BÎLA AISKA

⁴ Yang nani naha aisisna, kan Kraist hilpka ra Gâd ra kasak luki banhwisna.

2 Korint 3:4 ပူးပေါင်းရင်းမြစ်များ

Impakan Sturka 18:19

Yang yabal kum mamrikamna, bamna man aman wals, Gâd sin tâm baikbia. Man yakan upla nani trabilka ba brih, Gâd mawanra waia sma bara witin mawanra mangkaia sma.

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

Epesus 3:12

Kraist bâk pri pali sa Gâd lamara yawan waia, witin ra kasak lukan lâka bri ba hilpka ra.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

1 Tesalonaika 1:8

Dawan sturka yamni ba, baku man nani mita smalki laihura blikram; bara Macedonia ra bara Acaya ra baman apia, kuna kasak lukankam lâka Gâd ra brisma sturka ba plis sut ra kaikisa. Baku bamna, yang nani diara kumi sin aisaia want apia sna.