2 Korint 3:3 - DAWAN BÎLA AISKA

³ Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.

2 Korint 3:3 ပူးပေါင်းရင်းမြစ်များ

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Lawana Nani 42:2

Dawan rayakira, rayaki na man ra luki diran daukisa. Dawan, ¿ahkia yang kli wih mamwanra bûi kamna?

Lawana Nani 84:2

¡Tempelkam watla kutbanka painkira ba ra kaia, nahki brin ai daukisa! ¡Kupi aiska kira ni lilia aiwanisni rayaki Gâdka ra!

Impakan Sturka 24:12

Dawan mita Moses ra win: —Il ra uli bal, yang nâra sna na kat, bara bîli kaiki bas, yang bui man ra walpa tanhta wâl maikaisna, bahara lâ nani ba ulbi maikamna, Israel luhpia nani ra smalkaia dukiara.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Impakan Sturka 32:15

Bara Moses il wina bal iwan, witin ai mihta ra walpa tanhta wâl ba bri kan, baha nani tnaya wâl ra lâ ulban kan.

Impakan Sturka 34:1

Bara Dawan mita Moses ra win: —Man mita walpa wâl klaks, pas walpaya kata ba yahpika baku. Bara pas walpa tanhta nani ra ulbri kan man mita kriki tikram bîla nani kata ba, kli ulbamna.

Sins Lâka 3:3

Latwan lâka ba lulki swipara bara kasakka diara rait ba sin; lilura awa baku man brih tauks, sinskam ra ulbi bris,

Sins Lâka 7:3

Baha nani mihtam sirpi nani ra wilks; lukankam kat ulbi mangks.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Isikiel 11:19

Yang bui kupia karna walpa baku ba sakamni, bara kupia raya kum yabamni bara spirit raya kum sin yabamni.

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Matiu 16:16

Saiman Pita bila: —Man ba Misaya, Gâd rayakira ba Luhpia.

1 Korint 3:5

Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 3:7

Bamna Moses lâka na lika walpa tanhta ra ulbi mangkan kan, bara Moses ai mawan ba ingni pali kan balan ba ra, Israel luhpia nani mita sip witin mawan kaikras kan, ai mawan ba ingni kan bamna. Sakuna baha ingnika ba tawa tawa tiwi kan. Kuna baha lâka mita upla pruaia pâtka mihta ra mangki ba lika, pranakira pali balan kaka,

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

Hibru Nani 10:16

“Baha yua nani ningkara witin nani wal lâ daukamna ba, naku kabia wisa, Dawan bila: Yang lâika nani ba witin nani kupia ra mangkamna, bara ai lukanka nani bilara baha nani ba ulbamna.”

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

Param Marikanka 2:12

“Pergamum sertska insalka ra sin ulbi wis: ‘Sord tatwa napa wâl mala bri uplika ba mita naku wisa:

Param Marikanka 2:18

“Tiatira sertska insalka ra sin ulbi wis: ‘Gâd Luhpia ba, witinka ai nakra nani pauta lakni bri ba ai mina nani bras lipni baku bri ba mita wisa:

Param Marikanka 2:8

“Esmirna sertska insalka ra sin ulbi wis: ‘Tâ ba bara tnata ba sin, witinka pruan bara kli raya ba mita, naku wisa:

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina:

Param Marikanka 3:22

¡Ya ai kiama bri kaka, Spirit mita serts nani ra dîa wi ba walaia sa!’ ”

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?