2 Korint 3:14 - DAWAN BÎLA AISKA

¹⁴ Sakuna witin nani sip tânka briras kata. Bara naiwa kat baha tânka sip briras sa, lâ almuk wauhkataya aisi kaiki banhwi ba ra, baha sim mawan prakaia kwalka ba sakras ban bâra sa bamna; baha kwalka ba sip sa sakaia Kraist mita baman.

2 Korint 3:14 ပူးပေါင်းရင်းမြစ်များ

Lawana Nani 69:23

¡Man bui witin nani diara kaikras daukma bara yarka ai kuhma nani ba tatatwi kabia!

Aiseya 25:7

Naha ilka ra pura bikaika kum bâra ba, upla nani sut pura praki ba witin mita sauhki tikbia, kwala nisan nani sut ra sruki bri ba.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Aiseya 59:10

Yawan utla tnaya ra sapi tauki banhwisa blain baku; bara kapi kaiki watauki banhwisna wan nakra âpu kan baku; yu wan lal kat ra, yang nani mini prukisna tihmu ra kan baku; yang nani tihmia tasbaya nani ra sna upla pruan nani baku.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 6:23

sakuna namkra nani ba saura kaka, wînam aiska ba tihmu ra kabia. Bamna ingnikam ba tihmu takbia kaka, ¡baha tihmuka ba nahki prais tihmu pali kabia!

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Jan 12:46

Yang, ingni sna na, naha tasba ra balri, bamna ani uplika nani yang ra kasak luki ba tihmia ra ban wataukaia apia sa.

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Apastil Nani Sturka 13:15

Bamna Moses lâ ulban wauhkataya, bara prapit nani ulban wauhkataya nani ba aisi kaikan ningkara, prias watla wihtka nani ba mita naku maisa pakaia blikan: —Muihki nani, upla nani ra kupia kraukanka bîla brisma kaka, sip sma nanara aisaia.

Apastil Nani Sturka 15:21

Bamna patitara piua ba wina tawan bani ra upla bâra sa, Moses lâka ba dukiara smalkisa, bara saba yua bani ra sin Ju nani priaska watla nani ra aisi kaikisa.

Apastil Nani Sturka 16:14

Witin nani wina kumi ba nina Lidia, Tiatira tawanka wina, kwala painkira mapla balianta wauhi âiatkra kan. Mairka ba Gâd ra mayuni kan, bara witin sin bâra wali kata; Dawan mita ai kupia ba ilingkan, Pal dîa aisi ba aman pali walaia.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

2 Korint 3:15

Bamna naiwa kat, witin nani ba Moses lâka wauhkataya aisi kaikuya ba ra, kwala kum mita witin nani diara tânka briaia ba pura bikisa.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Epesus 4:18

bara witin nani kupia lukra ba tihmia takan sa. Gâd wina raya kaia lâka aula ba, witin nani briras sa, kan sins aitani briras ba mita kupia sin karna pali sa.