2 Korint 13:7 - DAWAN BÎLA AISKA

⁷ Yang nani puri sunisni, man nani diara saura kumi sin daukma apia ba mata, naha na yang nani raitki brisna ba marikaia lika apia, sakuna brin wan daukisa man nani diara pain dauki kama; wan kupia lukras man nani mampara yang nani raitki âpu kabia sin.

2 Korint 13:7 ပူးပေါင်းရင်းမြစ်များ

1 Kronikas 4:10

Jabés Dawan ra ai pura suni, naku win: “Mamkabisna yamni ai munma bara sin tasba pîs tara kum aikma, hilp ai muns bara saura wina swaki ai sâks, baku mika yang pât wahwamna apia.” Bara dîa makaban ba kat Dawan bui yan.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Jan 17:15

Naha tasba wina mahka sâkma dukiara lika mamkabras, sakuna dibil ba wina dakbi sâkma.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Roman 13:13

Kakna ra wataukaia ba baku, painkira wataukpi. Yawan bla takbiara, bin dauki plun papira kabiara, tâski lâka daukbiara, lâkas tara baku taukbiara, unsabaia bara misbara lâka sin bribiara.

Roman 16:10

Laikula wis Apeles ra, witin Kraist ra kasak luki ba tânka uya pali marikan ba, bara Aristóbulo watla uplika nani sut ra sin laikula wis.

1 Korint 11:19

¡Bamna, man nani ba aihka dakwi takaia sma, bara baku mika baha nani kasak kristian nani ba latan kaikan kabia!

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 10:18

Kan pain kulkan uplika ba lika witin ai painka dukiara aisi ba apia, sakuna ani uplika ra Dawan mita pain kulki ba lika.

2 Korint 13:6

Sakuna brinki sa man nani tânka brima, yang nani ba kuninkira apia sna.

2 Korint 13:8

Kan yang nani diara kasak ba mapara sip diara daukras, sakuna diara kasak ba tâwan aisi kaia lika.

2 Korint 13:9

Baha mita, yang nani ani piua swapni takisna bara man nani karna sma ba ra, uya lilia banhwisna; man nani karna takma dukiara yang nani ban puri suni kamna.

2 Korint 6:4

Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin.

2 Korint 8:21

Bamna yang nani brin ai daukisa diara sut ba lâ kat pain daukaia, Dawan mawanra baman apia, sakuna upla nani mawanra sin.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

1 Timoti 2:2

Tâ bri nani bara wihta nani sin sut ba pura sunaia sa, yawan wan rayaka na sâpkira bara kupia kumi lâka bri kabia; bara baha ba aiska pali Gâd ra yabi, bara sins lâka kat brih iwi kaia.

2 Timoti 2:15

Man ba nahki sip kama ba kat bas, wark uplika aitani kulkan kum baku Gâd mawanra bus, wark tatakra kum ai warkka ba tâwan ai swira lukras baku, Gâd kasakkira tânka bîla ba wapni kat smalki uplika baku.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.