2 Korint 13:10 - DAWAN BÎLA AISKA

¹⁰ Kau man nani ra waras sna ba ra naha wauhkataya ulbisni, baku mika yang wamna ba ra, lâika ba lâ karna baku mai alkan kabia apia, baha lâka wan Dawan aikan ba man nani ba spirit lâka mapa ra maikrika pâwaia, âpu mai daukaia dukiara lika apia.

2 Korint 13:10 ပူးပေါင်းရင်းမြစ်များ

1 Korint 4:21

Bamna, ¿man nani dîa ba kau lihkisma: man nani ra balamna bara klala maikamna, apia kaka, latwan lâka bara kupi swapni bri balamna?

1 Korint 5:4

Man nani asla aidrubisma ba ra, yang sin spiritki ra man nani aikuki kamna, bara Dawan Jisas Kraist karnika ba man nani wal kabia. Baku lika, wan Dawan Jisas nina ra,

2 Korint 10:2

Baku bamna, mamkabisna man nani mai kaikaia wamna ba ra, taibi ai muni banhpara man nani wina tila nani wan wîna lâka kat diara dauki ba mapara bûi aisaia; bahmuna uplika nani ba mawan kat aisaia ridi sni.

2 Korint 10:4

Kan yawan ra aiklabaia dukia ba lika naha tasba wina apia sa, sakuna Gâd wina karnika brisa, bara ba mita kan kahbaika pliska nani ba sip sa âpu daukaia, baku dahra kwakwahkra nani ra sin.

2 Korint 10:8

Bamna baha karnika yang nani ra aikan ba purara kau munisna kaka, dîa dukiara swiri lukaia tânka ba âpu sa; kan Kraist mita naha karnika na yang nani ra aikan, man nani ba kau maikrika pâwaia spirit lâka mapa ra, man nani sauhki mai tikaia lika apia.

2 Korint 13:2

Baha nani piua luan ra saura daukan nani ra bara upla sut ra sin wisni, nanara yang laihura sna na piua ra, aima wâl ra bisi balatna piua, man nani wînam kat kupiam kraukatna ba, kli kupiam kraukisna: kli man nani mai kaikaia wamna piua, umpira kaikan lâka âpu kamna.

2 Korint 13:8

Kan yang nani diara kasak ba mapara sip diara daukras, sakuna diara kasak ba tâwan aisi kaia lika.

2 Korint 2:3

Baha mita dîa daukri ba tânka kat man nani ra ulbri, kan yang balamna piua lilia ai daukaia kan uplika nani mita, sairka kra paskbiara sîa; kuna kau ni lilia ai dauki banhwaia kan. Bamna kasak daira wali kapri yang lilia kamna, bara man nani sut sin lilia bri kama.

2 Korint 6:6

Yang nani rayaki klin ba wal sin latan marikisna, diara kasak ba tânka kaikaia lâka ra, wan kupia takaskaia lâka bara umpira kaikan lâka ra, Spirit Holikira yang nani tani ra ba mita, wan latwanka lâka kunin âpu kira ba mita sin,

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;