2 Korint 12:20 - DAWAN BÎLA AISKA

²⁰ Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

2 Korint 12:20 ပူးပေါင်းရင်းမြစ်များ

Lawana Nani 41:7

Misbara ai kaiki banhwi ba sut maipara pusbi aisisa; witin nani lukisa, yang saurki nani daukri ba mita pât wahwisna.

Sins Lâka 16:28

Watawikira ba, blahwan lâka baman bukisa; upla dusa kakuhbra ba mita waihla lâka ra wan brih wisa.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

Roman 1:30

Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Roman 2:8

sakuna lawan tara bara kupia baiwanka wal Gâd mita klala yabia, baha nani ai wîna kat baman luki ba, bara diara kasak ba bîla wali daukaia watlika ra diara saura ni dauki nani ba.

1 Korint 1:11

Muihki nani, naha na mai wisna, Cloe watla uplika nani mita man nani tilamra unsaban nani bâra sa ai win ba mita.

1 Korint 14:33

kan Gâd ba kupia kumi lâka Gâdka sa, tanis turban lâka Gâdka lika apia. Gâd uplika nani asla takanka sut ra dauki natka ba baku,

1 Korint 5:2

¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

2 Korint 1:23

Sakuna yang luki kapri ba kat sip Korint ra waras katna, Gâd ba witniski sa, yang bui man nani ra uya lukisna ba; ridi sna rayaki pali ba yaia.

2 Korint 10:2

Baku bamna, mamkabisna man nani mai kaikaia wamna ba ra, taibi ai muni banhpara man nani wina tila nani wan wîna lâka kat diara dauki ba mapara bûi aisaia; bahmuna uplika nani ba mawan kat aisaia ridi sni.

2 Korint 10:6

bara ridi pali banhwisna bîla wali daukras nani ba sut klala yaia, man nani bîla wali dadaukra apia sma ba bîla wali dadaukra taki banhma ningkara.

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

2 Korint 13:2

Baha nani piua luan ra saura daukan nani ra bara upla sut ra sin wisni, nanara yang laihura sna na piua ra, aima wâl ra bisi balatna piua, man nani wînam kat kupiam kraukatna ba, kli kupiam kraukisna: kli man nani mai kaikaia wamna piua, umpira kaikan lâka âpu kamna.

2 Korint 2:1

Naha dukiara sika wilin takri, yang kli balamna apia man nani sarkam paskaia.

Galesha 5:15

Sakuna man nani pana walkam ra sami dakbi pisma kaka, aman kaiks, man nani klauna pih âpu taki banhma.

Galesha 5:26

Bamna yawan prautkira kabiara, upla kupia tatuskra kabiara, tuman lâka sin aikuki wan tilara bribiara.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.