2 Korint 12:2 - DAWAN BÎLA AISKA

² Yang waitna kum kaikisna, witin Kraist ra kasak lukisa, mani 14 luan ra baha waitnika ba kasbrika purara yumhpa ba kat brih wan kata. Pain kaikisna, witin ba wîna tara lâka ba kat brih wan sapa, apia kaka spiritka brih wan sapa; baha lika Gâd baman kaikisa.

2 Korint 12:2 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

Lawana Nani 148:4

Witin ra mayuns, man, laih kasbrika purara ba, bara man, lî kasbrika purara sma ba sin.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Isikiel 11:24

Tisku Gâd karnika bal ai bukan, bara kli ai brih wan Babilon ra, tasbaya wina sakan uplika wala nani bâra kan ba tilara naha takan, kan lilka kum Gâd spiritka mita ai marikan ba mita. Ningkara lilka ba kli lap tiwan.

Isikiel 43:5

Bara Gâd ai karnika ni ai alki ai bukan bara tempel lilapas kat ai brih wan, bara yang kaikri tempel bîla Dawan prana ni banhwan kan.

Luk 24:51

Bamna baha nani ra yamni muni kan piua ra, baha nani wina dakwi takan, bara kasbrika purara brih wan kata.

Jan 6:56

Ya yang wîni tara ba pîsa bara tâilia sin dîsa kaka, witin ba yang wal asla iwisa, bara yang sin witin wal asla sna.

Apastil Nani Sturka 14:6

Sakuna Pal bara Bernabé wal baha kaikan ba ra, witin nani plapan Licaonia tasbaya ra, Listra ra, Derbe ra, ban baha tawanka nani kir,

Apastil Nani Sturka 22:17

“Jerusalem ra kli balri ba ra, yang tempel ra wih puri suni kapri ba ra, diara aihka kum kaikri.

Roman 16:10

Laikula wis Apeles ra, witin Kraist ra kasak luki ba tânka uya pali marikan ba, bara Aristóbulo watla uplika nani sut ra sin laikula wis.

Roman 16:3

Laikula wis Priscila ra bara Áquila ra, baha uplika nani yang wal asla luki Kraist Jisas warkka dauki kan ba.

Roman 16:7

Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

Roman 16:9

Laikula wis Urbano ra, Kraist Jisas wal asla lâka ra, yang nani aikuki wark tatakra ba, bara upliki laitwankira Estaquis ra sin.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 11:11

¿Dîa muni aisisna ki? ¿Dîa man nani ra want apia sna ba mita? ¡Man nani ra nahki prais want sna ba, Gâd lika pain kaikisa!

2 Korint 13:5

Man nani laki kaiks wînam tânka ba aitani sma sapa, kasak lukan lâka ra aitani sma sapa kaikaia. ¿Kaikras sma ki Kraist man nani kupiam ra ba? Man nani ba kasak kristian apia kama lika, baha ba sip kasak lukras.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 1:22

Judia tasbaya ra wan muihni nani Kraist sertska ra nani ba mita pain pali ai kakaira apia kan.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 4:10

Mâyara pali iwi wan uplika ba sika, kasbrika pura ba wina kau laih purara pali uli wan, baha mita witin mita tasba aiska na banhkaia ba dukiara.

Kli Smalkanka 10:14

Kupiam krauki bas, kasbrika purara bara tasba ai bilara diara sut bâra ba Dawan Gâdkam dukia sa.

1 Tesalonaika 4:17

baha ningkara, yawan kau raya nani ba, witin nani aikuki kasbrika tilara wan brih wan kabia, Dawan wal pâsa purara prawaia. Yawan baku kabia Dawan wal, ban kaia ban kaia ra.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,

Param Marikanka 12:5

Bara mairin ba luhpa waitna kum baikan, bara naha tuktika sika nisan nani sut purara king aimakbia ayan klalka nani kira. Ningkara, ai luhpia ba ai mihta dakban kan, bara Gâd mawanra bara ai king iwaika mawanra brih wan kata.

Param Marikanka 4:2

Baha pali piua ra Spirit ba ai karnika munhtara ai brin, bara kasbrika purara king iwaika kum bâra kan kaikri, bara kingka iwaika ba ra upla kum sin iwi kata.