2 Korint 11:1 - DAWAN BÎLA AISKA

¹ ¡Bamna pain lukaina, yang taniski lâka ba mapara man nani kupiam alki takaski bri kama kaka! Tâinka nahki bri kamna sin ban kupiam alki bri bas.

2 Korint 11:1 ပူးပေါင်းရင်းမြစ်များ

2 King Nani 5:3

Naha tuktika mairin lupia ba ai dawanka mairin ra naku win: —Dawanki waitna ba yang wihtki prapitka Sameria ra bâra ba bahara wih aisabia kaka, witin sip sa liparka ba wina rawaia.

Kulki Kaikanka 11:29

Bara Moses pana win: —¿Man bui yang tâiwan lawisma ki? Aitani kaia kan upla sut ba Dawan prapitka kata, Dawan spiritka ba witin nani sut purara kahban kan sa kaka.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Apastil Nani Sturka 18:14

Pal mahka aisuya kan ba ra, Galio bui Ju nani ra win: —Naha tânka na ban kra diara saura pali aihwa kum daukan kaka lika, yang sip sna man nani Ju nani diara aisama ba walaia;

Apastil Nani Sturka 26:29

Bamna Pal bila: —Wiria, apia kaka manis kra, sakuna yang bui Gâd ra puri sunisna, man bara wala nani nâra naiwa ai wali na sut yang wal baku takbia, sakuna naha ai priskan na wal lika apia.

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 3:18

Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

1 Korint 4:8

Diara nani luha sma ba pat sut yuya brisma, man nani pat yuyakira nani sma. Pat king sma lukisma, bara yang nani wina diara want apia sma. Kasak, ¡king nani pali kapram kaka, yang aitani lukaia kapri, bara baku mika yang nani sip kaia kapri man nani aikuki king aimakaia!

2 Korint 11:19

Kan man nani lika sinskira pali sma ba mita, sinskas nani ra ban kupiam alki takaski banhwisma.

2 Korint 11:21

Swiri uya brisni naha mai wiaia kuna, ¡kau yang nani uya pali swapni nani katna baha daukaia! Sakuna upla bisniska dadimra nani ba baku, yang sin tilamku dimuna, upla tanis aisi baku sna kuna.

2 Korint 11:4

Kan man nani lika uya kupiam alki takaski brisma, baha nani Jisas sât wala dukiara smalki ba mapara, yang nani mita smalkatna Jisaska sât apia ba; bara spirit sât wala, yang nani smalkri Spiritka sât apia ba, man nani pain brisma, bara swaki sakan sturka yamni pat mai smalkri ba sâtka apia smalkanka sin alki bri banhwisma.

2 Korint 12:11

Yang lika upla tanis kum baku diara daukri, sakuna man nani mita ai munram baku daukaia. Kan man nani lika yang painki bara yamniki aisaia sip kapram. Kan apastil tara nani man nani mita nina blikisma ba wal, yang kau mâyara apia sna, man nani diara apia ai kulkisma sakuna.

2 Korint 5:13

Bamna yang nani na tanis atia sna kaka, baha lika Gâd dukiara ba mita; bara tanis apia banhwisna kaka, baha lika man nani dukiamra.

Hibru Nani 5:2

Prîs pali ba sin ai wîna swapnika nani brisa, bara baha mita witin sip sa, kan ai dahra walras nani ba bara aimawahki nani ba aikuki sin ai kupia swapni bri kaia.

Jasua 7:7

Bara Jasua lika Dawan ra naku ai pura sunan: —¡Ay, Dawanki! ¿Dîa yang nani na, amorreo nani mihta ra aimakaia baman Jordan awala baila wala ra lui banhri ki, bara witin nani mita ai sauhki tikaia? Naku takaia ba win kata kaka, yang nani Jordan awala baila wala ra ban bâra kaina.