2 Korint 10:17 - DAWAN BÎLA AISKA

¹⁷ Upla kumi aimayunan daukisa kaka, witin Dawan dukiara lika aimayunaia sa.

2 Korint 10:17 ပူးပေါင်းရင်းမြစ်များ

Lawana Nani 105:3

Witin ai nina holikira ba dukiara, man ba tara sma luks. ¡Kupiam ra lilia damra wals, Dawan pliki uplika nani sma ba!

Lawana Nani 106:5

Bâk saki briram uplika nani liliaka ba yang kaikamni, baha nani liliaka ra yang sin lilia takamna, baha uplika nani man uplikam ba wal.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 65:16

Ya ya kabia naha tasba ra yamni munaia lâka plikbia ba, Gâd kasakkira ba mita yamni munan kabia; bara ya tasba ra swer taki aisin kabia ba, Gâd kasakkira ba nina ra swer takbia. Blasi sarka lâka bâra kata ba sut âuya tiwan kabia, baha nani sut nakra nani wina yukukan kabia.

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

1 Korint 1:29

Baha tânka ba lika wisa, upla kumi sin Gâd mawanra aimayunaia sip apia sa.

1 Korint 1:31

Baku bamna, Ulbanka ra wi ba baku: “Ani uplika aimayunan daukisa kaka, Dawan mita daukan ba dukiara aimayunaia sa.”

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.